Tesouro da Porta do Bispo Odoario
| Tesouro da Porta do Bispo Odoario | |||||||||
|---|---|---|---|---|---|---|---|---|---|
|
Instancia de
| |||||||||
|
Cultura
| |||||||||
|
Material
| |||||||||
|
Composto por
600 moeda romana(s)  | |||||||||
| |||||||||
| |||||||||
| Wikidata |
O tesouro da porta do Bispo Odoario é un conxunto de varios centos de moedas romanas de bronce do Baixo Imperio aparecido en 1935 nas proximidades desta porta da Muralla de Lugo.
Descuberta
[editar | editar a fonte]O tesouro foi descuberto en abril de 1935, ao pé da porta do Bispo Odoario —aberta esta en 1921 e acabada en 1928— na esquina Noroeste da Muralla de Lugo, a un metro de profundidade, no marco das obras de construción do edificio que albergaría a Escola Profesional de Traballo.[1][2][3]
As moedas estaban contidas nun recipiente de barro que foi esnaquizado polos traballadores.[2][3] O diámetro da base da vasilla era de 15,5 centímetros e, segundo os comentarios dos obreiros, tería unha altura, antes da súa destrución, duns 40 centímetros.[4]
Contido
[editar | editar a fonte].svg)
Documéntase a entrega das moedas en dous lotes ao Museo Provincial de Lugo, ambos o 2 de novembro de 1935. O primeiro deles, refernciado co número 783, consiste nunha doazón dunha cantidade indeterminada de pequenos bronces romanos entregados por José P. Vázquez Pimentel; o segundo, co número 791, é unha doazón conxunta de varias persoas, consistente en arredor de 600 exemplares, a maioría deles moi deteriorados pola oxidación.[1][3]
Dos máis de 600 exemplares que o historiador Vázquez Seijas estudou durante o primeiro ano de coñecemento do achado, os máis antigos pertencían á época do emperador Constancio I (305-306),[5] e os máis numerosos eran do reinado de Constancio II (337-361).[6] Na súa análise deu conta tamén dun exemplar de moeda hispano-cartaxinesa.[7]
Non todas as moedas que contiña o recipiente foron parar ao Museo Provincial de Lugo, xa que se coñece que unha cantidade indeterminada foi dispersada polos obreiros logo do seu achado. En 1974, apareceron publicadas moedas romanas dunha colección particular pertencentes a este tesouro.[3][8]
Notas
[editar | editar a fonte]- ↑ 1,0 1,1 "A.1. Puerta del Obispo Odoario". En Balseiro García, A. et al. (2021-a-). Páxinas 768-769
- ↑ 2,0 2,1 Vázquez Seijas, M. (1936). Páxina 225.
- ↑ 3,0 3,1 3,2 3,3 Balseiro García, A. (coord.) (2001). Páxina 45.
- ↑ Vázquez Seijas, M. (1936). Páxina 232.
- ↑ Vázquez Seijas, M. (1936). Páxina 226.
- ↑ Vázquez Seijas, M. (1936). Páxina 229.
- ↑ Vázquez Seijas, M. (1936). Páxina 231.
- ↑ Arias, F.; Fariña, F. (1974).
Véxase tamén
[editar | editar a fonte]Bibliografía
[editar | editar a fonte]- Arias, F.; Fariña, F. (1974). “Monedas de un tesorillo del siglo IV hallado en Lugo”. En Studia Archaeologica 29. Páxinas 5-13.
- Balseiro García, A. (coord.) (2001). Percorridos pola colección numismática do Museo Provincial de Lugo. Deputación de Lugo. ISBN 978-84-8192-573-9
- Balseiro García, A. et al. (2021-a-). "Tesoros monetarios del Museo Provincial de Lugo: estudio y difusión". En Actas. XVI Congreso Nacional de Numismática (Barcelona, 28, 29 y 30 de noviembre de 2018). Tomo II. RCM-FNMT, Madrid. Páxinas 763-781. ISBN 978-84-89157-85-9
- Balseiro García, A. et al. (2021-b-). "Recorrido por la colección numismática del Museo Provincial de Lugo: programa de investigación y proyectos de divulgación". En Actas. XVI Congreso Nacional de Numismática (Barcelona, 28, 29 y 30 de noviembre de 2018). Tomo II. RCM-FNMT, Madrid. Páxinas 593-598. ISBN 978-84-89157-85-9
- Carnero, M. O. (2015): “Os “Tesouriños” da colección numismática do Museo Provincial de Lugo”. En Férvedes. Revista de Investigación 8. Páxinas 439-444
- Vázquez Seijas, M. (1936). “Del Lugo Romano. Hallazgo de monedas”. Boletín de la Real Academia Gallega. Nº 261. Páxinas 225-232.