Axirət günü (az) Цээрлэлийн өдөр (mn) Dzień sądu (pl) Судниот ден (mk) paskutinio teismo diena (lt) Pastarā diena (lv) Акыр заман (ky) Ziua Judecății (ro) Deň zúčtovania (sk) Kıyamet Günü (tr) Судный день (ru) Domedagen (sv) Sodni dan (sl) Судњи дан (sr) Судний день (uk) Il giorno del giudizio (it) Az ítélet napja (hu) Dommedag (da) Tag der Abrechnung (de) Den zúčtování (cs) Дзень суду (be-tarask) Денят на страшния съд (bg) Dómsdagur (is) Μέρα Κρίσης (el) Kohtupäev (et) Sudnji dan (hr) el juicio final (es) O xuízo final (gl) Tuomion päivä (fi) Le Jugement dernier (fr) Ngày phán xét (vi)
Terminator 2: O xuízo final (en inglés:Terminator 2: Judgment Day) é un filme de acción estadounidense dirixido por James Cameron que se estreou no 1991. É a segunda parte da saga cinematográfica e a secuela de Terminator (1984). Escrito por Cameron e William Wisher, Jr., está protagonizado por Arnold Schwarzenegger, Linda Hamilton, Robert Patrick e Edward Furlong. Terminator 2 conta a historia de Sarah Connor (Hamilton) e o seu fillo John (Furlong) que son perseguidos por un novo e mellorado Terminator, o T-1000 feito de metal líquido (Patrick), enviado atrás no tempo para matar a John e evitar que se converta no líder da Resistencia humana contra as máquinas. O modelo menos avanzado T-800 (Schwarzenegger) tamén é enviado atrás no tempo para protexer a John.
Despois dunha problemática pre-produción caracterizada polas disputas legais, Mario Kassar de Carolco Pictures fíxose cos dereitos de propiedade da franquía na década de 1990. Isto facilitou o camiño para a realización do guión escrito polo equipo de produción liderado por Cameron, e en outubro de 1990 comezou un calendario de rodaxe de 186 días, máis curto do orixinalmente pensado. A produción de Terminator 2 requiriu un orzamento sen precedentes de máis de $94 millóns, a maioría do cal foi gastado na filmación e nos efectos especiais. O filme estreouse o 3 de xullo de 1991.
Terminator2, un éxito en recadación e en crítica, influíu na cultura popular e especialmente nos filmes de acción e ciencia ficción.[1] Os efectos visuais inclúen imaxinería xerada por ordenador, o uso de movementos naturais humanos para unha personaxe xerada por ordenador e o primeiro personaxe xerado parcialmente por ordenador.[2] Recibiu numerosos galardóns, entre os que destacan catro Premios Oscar por maquillaxe, son, edición de son e efectos visuais.[3] Foi o filme con maior recadación de 1991, e numerosas publicacións como o American Film Institute clasificaron Terminator2 como un dos grandes filmes de acción e ciencia ficción, e unha das mellores secuelas de tódolos tempos.
Sarah Connor, a nai solteira do rebelde John Connor, está ingresada nun psiquiátrico. Algúns anos antes, un viaxeiro do tempo reveláralle que o seu fillo sería o salvador da humanidade nun futuro dominado polas máquinas. Converteuse dende entón nunha especie de guerreira e educou ó seu fillo John en tácticas de supervivencia. Esta é a razón pola que está recluída nun manicomio. Cando un novo androide mellorado, un T-1000, chega do futuro para asasinar a John, un vello modelo T-800 será enviado dende o futuro para protexelo.
A frase A rañala, raparigo[5] (moitas veces citada erroneamente como Vai rañala, raparigo), que o Terminator pronuncia antes de acabar co T-1000, está considerada como a frase máis popular da historia da dobraxe en galego da TVG.[6] Na versión orixinal (inglés) a frase é: Hasta la vista, baby, que mostra empatía cara ao neno John Connor, que lle ensinou castelán mexicano. Na versión en castelán europeo é Sayonara, baby, porén, a frase foi mantida en castelán de América. O American Film Institute colocouna na 76ª posición na Lista das mellores 100 frases de películas de todos os tempos.[7]
Hudson, David G.; Marsh, Ed W. (Directors) (1991). The Making of 'Terminator 2: Judgment Day' (Television production). Beverly Hills, California: Carolco Pictures.
.png?lang=gl){kind=small}
