A tempada 2020 foi a 42ª edición do Campionato de Galicia de Rally. Comezou o 29 de febreiro no Rally da Coruña e rematou o 13 de decembro no Rally Mariña Lucense.[1][2]
Defendía o título o piloto de Dumbría, Víctor Senra, campión das tres últimas edicións, que finalmente conseguiu o seu cuarto título consecutivo tras unha tempada marcada pola pandemia por coronavirus que obrigou á suspensión da maioría de rallys do calendario.
O Rally do Cocido, previsto inicialmente para o 20 e 21 de marzo foi aprazado debido á pandemia por coronavirus,[3] e recolocado na fin de semana do 11-12 de decembro nun principio,[4][5] e no 8-9 de agosto nunha nova actualización. Polo mesmo motivo anunciouse tamén o aprazamento do Rally de Noia,[6][7] que finalmente foi suspendido.[8] O Rally Rías Baixas, previsto para a fin de semana do 29 e 30 de maio foi reprogramado para 4 e 5 de setembro.[9] O Rally de Narón e o Sur do Condado sumáronse ao de Noia e cancelaron as súas edicións de 2020.[10][11] En maio a Federación Galega de Automobilismo publicou un novo calendario, coas novas datas e xa sen os rallys cancelados, no que as probas a disputar quedan reducidas a seis (sen contar o rally xa disputado).[12][13]
En xuño a Escudería Lalín-Deza comunicou que non se organizaría o Rally do Cocido en 2020 e o 4 de agosto anunciáronse as suspensións do Rally Ourense-Ribeira Sacra e do Rías Baixas.[14][15][16] En outubro a Escudería Santiago anunciou a cancelación do Botafumeiro, quedando o calendario reducido a só tres rallys.[17]
Sistema de puntuación para a clasificación xeral:
Posición
|
1
|
2
|
3
|
4
|
5
|
6
|
7
|
8
|
9
|
10
|
Puntos
|
25
|
20
|
15
|
12
|
10
|
8
|
6
|
4
|
2
|
1
|
Sistema de puntuación para cada agrupación:
Posición
|
1
|
2
|
3
|
4
|
5
|
6
|
7
|
8
|
9
|
10
|
Puntos
|
10
|
9
|
8
|
7
|
6
|
5
|
4
|
3
|
2
|
1
|
Para definir o total de puntos obtidos por un participante nunha proba débense sumar os puntos obtidos na clasificación xeral e na agrupación e logo multiplicalos polo coeficiente da proba.
Os vehículos admitidos divídense en cinco agrupacións:[18]
- Agrupación 1: WRC, R5, S2000, R4, A Galego, N1, N5, N6, Grupo A (máis de 2.000cc, 4x4), Grupo N (máis de 2.000cc, 4x4), Grupo X (máis de 2.0), Porsche 997 GT3 Cup Rallye, GT, RGT, Grupo G (máis de 2.0), Grupo SCC.
- Agrupación 2: R3T, R3C, S1600, R2C, N2, Grupo N (2RM), Grupo A (Máis de 1.6 cc e menos 2.0 cc Kit Car), Grupo G (menos de 2.0 2RM), Grupo X (Máis de 1.6 cc e menos 2.0 cc, Kit Car).
- Agrupación 3: R2B (menos de 1.6), R3D, N3, Grupo A (menos 1.6 cc Kit Car), Grupo N (máis de 1.6 e menos de 2.0 cc 2RM), Grupo X (máis de 1.6 e menos de 2.0 cc 2RM), Históricos (Máis 1.600 cc 2RM)
- Agrupación 4: Grupo N (menos de 1.600 cc), R1A/R1B (Menos 1.600 cc), Grupo X (Menos 1.600 cc), Históricos (Menos 1.600 cc, 2RM)
- Agrupación 5: Todos o grupos de menos de 1.000 cc, excepto históricos.
O campionato comezou por cuarto ano consecutivo co Rally da Coruña, que se celebrou entre o 28 e o 29 de febreiro. O parque pechado situouse o venres 28 na praza de María Pita, na Coruña, mentres que os treitos cronometrados disputáronse o sábado nos concellos de Aranga, Cerceda, Culleredo e Arteixo,[19] sumando un total de 89,28 km cronometrados.[20]
Inscribíronse 113 pilotos, coa ausencia máis destacada do vencedor do ano anterior, Iván Ares, que non recibiu a tempo o seu novo Hyundai i20 R5.[21] Con todo, si estiveron presentes os primeiros clasificados da tempada anterior do Campionato de Galicia de Rally: Víctor Senra, estreando un Škoda Fabia R5, Alberto Meira co seu Citroën DS3 R5 e Iago Caamaño, estreando tamén coche no campionato, un Ford Fiesta R5 MKII.[21] Ademais destacaban as presenzas do campión galego Luis Vilariño, do tricampión de Asturias Óscar Palacio, de Manuel Fernández ou de Tino Iglesias.[22]
O rally caracterizouse por unha intermitente choiva, coa que cobrou grande importancia a elección de pneumáticos dos equipos.[23] Víctor Senra comezou liderando con claridade na sesión matinal ao marcar o mellor tempo na primeira pasada aos tres treitos, con 13 segundos de vantaxe sobre Iago Caamaño e 30 sobre Alberto Otero.[24][25] Con todo, Iago Caamaño comezou a remontar nos seguintes dous treitos, nos que marcou o mellor tempo e colocouse a catro segundos de Senra. A remontada culminouse no sexto treito, no que o máis rápido foi o asturiano Óscar Palacio e no que os problemas coa panca de cambios de Senra lle fixeron perder máis de 23 segundos con Caamaño, que se colocou líder destacado, con máis de 19 segundos de vantaxe sobre o de Dumbría.[26] Cando todo parecía sentenciado Senra solucionou os seus problemas mecánicos e volveu facer os mellores tempos, recortándolle tres segundos a Caamaño no sétimo treito[27] e catro no oitavo,[28] colocándose a 12 segundos a falta do último tramo.[29] Finalmente conseguiu recortar a diferenza e nun final moi axustado gañar o rally por 159 milésimas sobre Iago Caamaño.[23]
Detrás deles quedou Alberto Meira, que mantivo unha loita pola terceira praza durante todo o rally con Alberto Otero (4º) e Óscar Palacio (5º).[29]
Coa expansión da pandemia por coronavirus o campionato paralizouse durante máis de medio ano, suspendéndose a maioría de rallys previstos. Retomouse a mediados de outubro coa disputa da cuadraxésimo segunda edición do Rally San Froilán, para o que se inscribiron 127 equipos.[30] Víctor Senra colocouse en cabeza dende o primeiro treito, e xa non abandonou a posición ata o final da carreira, logrando a súa segunda vitoria na tempada e a segunda no rally lugués.[31] Con todo, o piloto de Dumbría só foi o máis rápido en dous dos nove treitos, repartíndose os sete restantes entre cinco pilotos distintos. O melidense Alberto Otero marcou o segundo mellor tempo do rally, subindo ao podio por diante de Alberto Meira. Completaron os cinco primeiros postos Francisco Dorado e Iago Caamaño, este último despois de sufrir unha picada de roda que o afastou dos primeiros lugares.[31][32]
Trala suspensión da maioría de rallys por mor da pandemia por coronavirus, o Rally Mariña Lucense quedou como a terceira e derradeira proba do campionato. O rally chegou con polémica, debido a que o regulamento do campionato establece que se deben descartar dous resultados para obter a puntuación final, e, ao disputárense só tres probas, o vencedor do último rally sería o campión final independentemente do que sucedese nos dous rallys anteriores, debido ao maior coeficiente da proba lucense. A negativa a modificar o regulamento, a pesar de que estaba permitido facelo "por causas de forza maior", provocou o malestar de varios pilotos, entre eles os dous primeiros clasificados do certame, Víctor Senra e Alberto Otero, que anunciaron que non disputarían o rally.[33][34][35]
Finalmente Senra acabou por inscribirse no rally, xunto a outros 74 pilotos, entre os que destacaban as presenzas do ruso Nicolai Griazin, piloto do Campionato do Mundo, cun Volkswagen Polo R5, Alberto Meira, Iago Caamaño ou o asturiano Daniel Alonso.[36][37][38]
Griazin foi o máis rápido nos primeiros sete treitos e gañou o rally de xeito contundente, con case un minuto de vantaxe sobre Senra, que conseguiu os dous últimos scratchs e o segundo posto final. O ruso non contaba para a clasificación final do campionato, debido a que se precisaba participar nun mínimo de dous rallys, polo que Senra logrou a súa cuarta coroa consecutiva, mentres que o subcampionato foi para Iago Caamaño.[39]
Pos
|
Escudaría
|
Pts
|
1
|
Yacar Racing
|
459
|
2
|
Lalin-Deza
|
351
|
3
|
Recalvi Team
|
277
|
4
|
Galicia Motor Sport
|
146
|
5
|
Pontevedra 1984 Team
|
138
|
6
|
Surco
|
133
|
7
|
RVS Motor Sport
|
129
|
8
|
Desguaces Tino Racing
|
126
|
9
|
Miño
|
122
|
10
|
One Seven
|
111
|
11
|
Scratch Fene
|
111
|
11ª Copa Top Ten Pirelli - Driver (Top Ten A)[editar | editar a fonte]
11ª Copa Top Ten Pirelli - Driver (Top Ten B)[editar | editar a fonte]
- ↑ "Calendario" (PDF). Federación Galega de Automobilismo. Arquivado dende o orixinal (PDF) o 06 de agosto de 2020. Consultado o 6 de agosto de 2020.
- ↑ "Este será el calendario del automovilismo gallego en el 2020". La Voz de Galicia (en castelán). 3 de decembro de 2019. Consultado o 17 de xaneiro de 2020.
- ↑ "Suspendido el 25 Rally del Cocido 2020". GZ Rally (en castelán). 12 de marzo de 2020. Consultado o 12 de marzo de 2020.
- ↑ "Frenazo al motor en Galicia por el coronavirus: Cocido y Cuntis ya tienen nueva fecha". La Región (en castelán). 12 de marzo de 2020. Consultado o 12 de marzo de 2020.
- ↑ "Calendario 2020" (PDF). FGA. Consultado o 12 de marzo de 2020.
- ↑ "La Escudería Berberecho aplaza el Rali de Noia pero confía en celebrarlo en 2020". La Voz de Galicia (en castelán). 16 de marzo de 2020. Consultado o 30 de marzo de 2020.
- ↑ "XXXVI Rally Berberecho de Noia 2020". GZ Rally (en castelán). Arquivado dende o orixinal o 23 de abril de 2020. Consultado o 30 de marzo de 2020.
- ↑ "Cancelado el Rally Berberecho Noia 2020" (en castelán). 20 de maio de 2020. Consultado o 30 de maio de 2020.
- ↑ "Comunicado de prensa Rally Rías Baixas" (en castelán). 16 de abril de 2020. Consultado o 5 de maio de 2020.
- ↑ "Cancelado el Rally Sur do Condado 2020" (en castelán). 14 de maio de 2020. Consultado o 30 de maio de 2020.
- ↑ "Cancelado el 33 Rally de Naron 2020" (en castelán). 19 de maio de 2020. Consultado o 30 de maio de 2020.
- ↑ "La FGA publica otro calendario para el 2020" (en castelán). 21 de maio de 2020. Consultado o 30 de maio de 2020.
- ↑ "Calendario 2020 (actualizado debido á pandemia)" (PDF). FGA. Arquivado dende o orixinal (PDF) o 05 de xuño de 2020. Consultado o 30 de maio de 2020.
- ↑ "La organización cancela el Rali do Cocido de 2020". Faro de Vigo (en castelán). 27 de xuño de 2020. Consultado o 6 de agosto de 2020.
- ↑ "Cancelado el Rally de Ourense Ribeira Sacra 2020" (en castelán). 4 de agosto de 2020. Consultado o 6 de agosto de 2020.
- ↑ "Suspendido el 54 Rallye Recalvi Rías Baixas en 2020" (en castelán). 4 de agosto de 2020. Consultado o 6 de agosto de 2020.
- ↑ "Nueva cancelación en el Gallego: Ahora el Rally Botafumeiro". La Región (en castelán). 26 de outubro de 2020. Consultado o 27 de outubro de 2020.
- ↑ "REGULAMENTO XERAL DO CAMPIONATO DE GALICIA DE RALLYES EN ASFALTO 2020" (PDF). Federación Gallega de Automovilismo. Consultado o 4 de marzo de 2020.
- ↑ "El rali de A Coruña ya tiene plan: así serán los tramos". La Voz de Galicia (en castelán). 31 de xaneiro de 2020. Consultado o 28 de febreiro de 2020.
- ↑ "24 Rally de A Coruña 2020". GZRally. Consultado o 28 de febreiro de 2020.
- ↑ 21,0 21,1 "El rali de A Coruña da el pistoletazo de salida al Gallego". La Voz de Galicia (en castelán). 28 de febreiro de 2020. Consultado o 28 de febreiro de 2020.
- ↑ "Lista de inscritos Rally da Coruña" (PDF). TemposFGA. Arquivado dende o orixinal (PDF) o 28 de febreiro de 2020. Consultado o 28 de febreiro de 2020.
- ↑ 23,0 23,1 Gómez Cundíns, Pablo (29 de febreiro de 2020). "Víctor Senra se lleva el rali de A Coruña por una décima de segundo". La Voz de Galicia (en castelán). Consultado o 29 de febreiro de 2020.
- ↑ "Víctor Senra lidera el Rally de A Coruña tras la primera sección" (en castelán). 29 de febreiro de 2020. Consultado o 29 de febreiro de 2020.
- ↑ "Tempos tras a primeira pasada Rally da Coruña" (PDF). TemposFGA. Arquivado dende o orixinal (PDF) o 29 de febreiro de 2020. Consultado o 29 de febreiro de 2020.
- ↑ "Tempos tras a segunda pasada Rally da Coruña" (PDF). TemposFGA. Arquivado dende o orixinal (PDF) o 29 de febreiro de 2020. Consultado o 29 de febreiro de 2020.
- ↑ "Tempos treito 7 Rally da Coruña" (PDF). TemposFGA. Arquivado dende o orixinal (PDF) o 29 de febreiro de 2020. Consultado o 29 de febreiro de 2020.
- ↑ "Tempos treito 8 Rally da Coruña" (PDF). TemposFGA. Arquivado dende o orixinal (PDF) o 29 de febreiro de 2020. Consultado o 29 de febreiro de 2020.
- ↑ 29,0 29,1 "¡Por solo una décima! Víctor Senra gana el Rali de A Coruña por un suspiro después de 90 kilómetros cronometrados". La Voz de Galicia (en castelán). 29 de febreiro de 2020. Consultado o 29 de febreiro de 2020.
- ↑ "Tramos, horarios y lista de inscritos Rallye San Froilán 2020" (en castelán). 9 de outubro de 2020. Consultado o 5 de decembro de 2020.
- ↑ 31,0 31,1 "El gran día de Víctor Senra". El Progreso. 17 de outubro de 2020. Consultado o 5 de decembro de 2020.
- ↑ "Clasificación Rally San Froilán" (PDF). temposfga.es. Arquivado dende o orixinal (PDF) o 27 de outubro de 2020. Consultado o 5 de decembro de 2020.
- ↑ Cachalvite, Andrés H. (29 de outubro de 2020). "Escándalo en el Gallego y no por la FGA: el campeón será el que gane el último rally, el Mariña Lucense". La Región (en castelán). Consultado o 5 de decembro de 2020.
- ↑ Cachalvite, Andrés H. (29 de outubro de 2020). "Víctor Senra y Alberto Otero no estarán en el Mariña Lucense". La Región (en castelán). Consultado o 5 de decembro de 2020.
- ↑ "Polémica entre os pilotos do Galego de ralis polo sistema para elixir o gañador en pleno covid-19". La Voz de Galicia. 2 de novembro de 2020. Consultado o 5 de decembro de 2020.
- ↑ Cachalvite, Andrés H. (4 de decembro de 2020). "Gryazin, Senra, Caamaño y Meira, favoritos en el Mariña Lucense". La Región (en castelán). Consultado o 5 de decembro de 2020.
- ↑ "Presencia mundialista en el Rallye Mariña Lucense" (en castelán). 3 de decembro de 2020. Consultado o 5 de decembro de 2020.
- ↑ "Lista de inscritos Rally Mariña Lucense" (PDF). Federación Galega de Automobilismo. Consultado o 5 de decembro de 2020.
- ↑ "Premios e trofeos 2020" (PDF). FGA. Consultado o 30 de decembro de 2020. [Ligazón morta]