Saltar ao contido

Tempada 1912/13 do Deportivo da Coruña

Engadir ligazóns
Na Galipedia, a Wikipedia en galego.
Deportivo da Coruña
Tempada 1912–13
PresidenteGalicia José Longueira Díaz
EstadioCampo de Riazor
← 1911–12 1913–14 →

A tempada 1912/13 foi a sétima tempada de existencia do Deportivo da Coruña.

Resumo da tempada

[editar | editar a fonte]

A tempada 1912/13 comezou cunha nova xunta directiva, a elixida o 31 de agosto de 1912. Continuou como presidente José Longueira Díaz, ao que secundaron Pedro García Seijas como vicepresidente primeiro, Ángel Lage como vicepresidente segundo, Julio López Roel como secretario, Juan Castro Santiago como vicesecretario primeiro, José Aznar Ponte como vicesecretario segundo, Eugenio Charry como tesoureiro, Manuel Vega como contador e José Illán, Julio Wonenburger, Saturnino Escudero e Salvador Fojón como vogais.[1]

O primeiro partido da tempada enfrontou ao Deportivo cos oficiais de catro buques de guerra da Royal Navy fondeados na cidade. Estes eran o Leviathan, o Royal Arthur, o Donegal e o Berwick, comandados polo almirante Edward Eden Bradford.[2] A directiva do club aproveitou a ocasión para reclamar que se erguese en Elviña un monumento ás tropas inglesas comandadas por John Moore que derrotaron ao exército napoleónico de Jean-de-Dieu Soult na coñecida como batalla de Elviña de 1809.[2] O primeiro partido rematou en empate, mentres que na segunda levou a vitoria o equipo coruñés.[3]

Tamén en xaneiro , despois de máis de dous anos sen enfrontarse, os presidentes do Coruña e do Deportivo (Laureano Martínez e José Longueira), aceptaron a proposta dun grupo de socios do Círculo de Artesáns chamado "Grupo de Amigos" de retomar os duelos entre os dous principais clubs da cidade coa disputa da "Copa Coruña-Deportivo".[4][5] Así, o 26 de xaneiro xogaron en Monelos o primeiro dos encontros, formando o conxunto coruñista con Dequidt, Justo, Prego, Bermúdez, Pombo, Martínez, Castro, Caruncho, López, Roura e Pita.[6] Nun encontro no que reinou a cordialidade, a vitoria levouna o Deportivo por 1-3.[7] O segundo partido acabou en empate, polo que a copa foi para o conxunto deportivista.[8] Volvéronse enfrontarse de novo entre marzo e abril, nunha serie de partidos benéficos a favor da asociación O Neno Descalzo. O segundo deles suspendeuse durante 20 minutos por unha discusión entre os xogadores debido á anulación dun gol por fóra de xogo, e tralo partido houbo liortas entre ambas afeccións nos arredores do campo e tamén nos Cantóns.[9] O terceiro e definitivo partido non chegou a xogarse debido ás esixencia do Coruña, que para evitar incidentes pediu entre outras cousas que o encontro se disputase cunha asistencia ao campo limitada a certas autoridades e familiares dos futbolistas, condicións que non foron aceptadas pola asociación benéfica, dando esta como gañador ao Deportivo.[10]

En xullo de 1913 Ramón Portela converteuse no novo capitán do equipo, trala retirada de Manuel Álvarez.[11] Estreou capitanía na final da Copa Gabino Bugallal, na que o Deportivo conseguiu revalidar o título e ficar co trofeo en propiedade, ao derrotar por 6-1 ao British FC de Ferrol, composto por xogadores británicos.[12]

Persoal

[editar | editar a fonte]

Xogadores

[editar | editar a fonte]
Pos Nac Nome
POR Galicia Rogelio Ramos
POR Galicia Charry
DEF Galicia Ancos
DEF Galicia Manuel Fernández
MED Galicia Manuel Álvarez
MED Galicia Angelito
MED Galicia Rosendo Silva
MED Galicia Ramón Portela
MED Galicia Serapio
MED Galicia Antonio Catoira
DIA Galicia Virgilio
DIA Galicia Borrazás
DIA Galicia Yarza
DIA Galicia Parra
DIA Galicia Barreiro
DIA Galicia Fito
DIA Galicia Chucho

Xunta directiva

[editar | editar a fonte]
Cargo Nome
Presidente Galicia José Longueira Díaz
Vicepresidente 1º Galicia Pedro García Seijas
Vicepresidente 2º Galicia Ángel Lage
Secretario Galicia Julio López Roel
Vicesecretario 1º Galicia Juan Castro Santiago
Vicesecretario 2º Galicia José Aznar Ponte
Tesoureiro Galicia Eugenio Charry
Contador Galicia Manuel Vega
Vogalis Galicia José Illán
Galicia Julio Wonenburger
Galicia Saturnino Escudero
Galicia Salvador Fojón

Partidos

[editar | editar a fonte]

      Vitoria

      Empate

      Derrota

Amigables

[editar | editar a fonte]

Copa Gabino Bugallal

[editar | editar a fonte]

Notas

[editar | editar a fonte]
  1. ↑ Ventureira 2022, pp. 157-158.
  2. ↑ 2,0 2,1 "Partidos de foot-ball". El Eco de Galicia (en castelán) (1961). 5 de xaneiro de 1913. p. 1. Consultado o 27 de febreiro de 2025. 
  3. ↑ "Ingleses y españoles". El Noroeste (en castelán) (6341). 7 de xaneiro de 1913. p. 1. Consultado o 27 de febreiro de 2025. 
  4. ↑ "El Coruña y Deportivo". El Eco de Galicia (en castelán) (1968). 14 de xaneiro de 1913. p. 1. Consultado o 3 de decembro de 2024. 
  5. ↑ "Notas de sport". El Eco de Galicia (en castelán) (1968). 14 de xaneiro de 1913. p. 1. Consultado o 27 de febreiro de 2025. 
  6. ↑ "Coruña-Deportivo". El Eco de Galicia (en castelán) (1979). 26 de xaneiro de 1913. p. 1. Consultado o 3 de decembro de 2024. 
  7. ↑ "Coruña -- Deportivo". El Eco de Galicia (en castelán) (1980). 28 de xaneiro de 1913. p. 1. Consultado o 3 de decembro de 2024. 
  8. ↑ "De Sport". El Diario de Pontevedra (en castelán) (8634). 14 de febreiro de 1913. p. 2. Consultado o 3 de decembro de 2024. 
  9. ↑ "Para el Niño Descalzo". La Voz de Galicia (en castelán). 7 de abril de 1913. pp. 1–2. 
  10. ↑ "Notas de sport". El Eco de Galicia (en castelán) (2047). 13 de abril de 1913. p. 1. Consultado o 4 de decembro de 2024. 
  11. ↑ "De sport". La Voz de Galicia (en castelán). 3 de xullo de 1913. p. 1. 
  12. ↑ "Notas de sportn". El Eco de Galicia (en castelán) (11694). 8 de xullo de 1913. p. 1. Consultado o 28 de febreiro de 2025. 

Véxase tamén

[editar | editar a fonte]

Bibliografía

[editar | editar a fonte]
  • Ventureira, Rubén (2022). De la Sala Calvet al título olvidado [Da Sala Calvet ao título esquecido] (en castelán). A Coruña: Fundación Real Club Deportivo de La Coruña SAD. ISBN 978-84-09-46119-6. 
Obtido de «https://gl.wikipedia.org/w/index.php?title=Tempada_1912/13_do_Deportivo_da_Coruña&oldid=6985344»