Telésforo, papa

Na Galipedia, a Wikipedia en galego.
Telésforo
Pope Telesphorus.jpg
Papa Telésforo
AlcumeSanto Telésforo
Nacementovalor descoñecido
Lugar de nacementoTerranova da Sibari
Falecemento136
Lugar de falecementoRoma
SoterradoBasílica de San Pedro
NacionalidadeItalia
Relixióncatolicismo
Ocupaciónsacerdote católico
Períodoentre os anos 126-136
Coñecido porser o papa n° 8 da igrexa católica
OrganizaciónIgrexa católica
CargosBispo de Roma
editar datos en Wikidata ]
Papa Telésforo

Telésforo, nado probablemente en Terranova da Sibari e finado seguramente en Roma en 136, foi bispo cristián de Roma entre 126 e 136[1] ou quizais 138[2].

Vida e pontificado[editar | editar a fonte]

Aínda que, como ao resto dos primeiros papas, pouco se sabe da súa vida, crese que a súa familia era grega, e que antes de chegar a Roma viviu como ermitán en diversos lugares, entre eles o Monte Carmelo e por iso é recoñecido pola Orde carmelita entre os seus santos. Debeu comezar como papa en tempos de Hadrián e rematar baixo o imperio de Antonino Pío.

O Liber pontificalis afirma que Teléforo foi o instituidor da misa do galo na medianoite do Nadal, que compuxo o canto Gloria in excelsis Deo, que fixou que a Pascua tiña que celebrarse en domingo e que ademais implantou as normas sobre o xaxún na Coresma. Debeu combater as herexías gnósticas.

Morte e santidade[editar | editar a fonte]

Como todos os papas romanos anteriores ao Edicto de Milán foi considerado santo. Telésforo é o primeiro que no catálogo papal elaborado por Ireneo de Lión aparece sinalado como mártir, feito que despois repite Eusebio de Cesarea, pero é moi posíbel que se producise unha confusión entre el e outro romano de nome Telésforo asasinado nas persecucións alentadas polo emperador romano Hadrián. Foi soterrado na Basílica de San Pedro.

O seu martirio celébrao a igrexa católica o 5 de xaneiro e a igrexa ortodoxa o 22 de febreiro.

Parroquias galegas[editar | editar a fonte]

Non hai ningunha parroquia galega baixo a avogación de san Telésforo.

Notas[editar | editar a fonte]

  1. Donald Attwater. A Dictionary of the Popes. The Catholic Book Club, Londres, 1939
  2. Annuario Pontificio, edición de 2003