Tatiana Huezo
 (2016)  | |
| Biografía | |
|---|---|
| Nacemento | 9 de xaneiro de 1972 (52 anos) San Salvador, O Salvador |
| Residencia | Cidade de México |
| Educación | Centro de Capacitación Cinematográfica (en)  Universidade Pompeu Fabra |
| Actividade | |
| Ocupación | directora de cinema, directora de documentais, documentalista, guionista |
| Participou en | |
| 2021 | Festival de Cinema de Cannes de 2021 (pt) |
  | |
Tatiana Huezo Sánchez, nada en San Salvador o 9 de xaneiro de 1972, é unha directora de cinema salvadoreña que reside en México. O seu primeiro filme, El lugar más pequeño (2011), un documental sobre a guerra civil salvadoreña, foi galardoado internacionalmente. En 2016, estreou Tempestad, a historia de dúas mulleres que padecen as consecuencias do tráfico humano en México. En 2016, recibiu o Premio Fénix ao mellor documental.
Traxectoria
[editar | editar a fonte]Nada no Salvador, Tatiana Huezo viviu en México dende os catro anos de idade.[1] Graduouse no Centro de Capacitación Cinematográfica (CCC), onde imparte clases dende entón.[2] En 2004, realizou un máster en creatividade de documentais pola Universidade Pompeu Fabra de Barcelona.[3]
En 1997, rodou a curtametraxe Tiempo cáustico. A súa primeira longametraxe foi El lugar más pequeño, que se estreou no ano 2011, un testemuño das experiencias da guerra civil no Salvador. Recibiu numerosos premios e foi exposto en máis de 50 festivais de todo o mundo.[3]
En 2015, Huezo presentou Ausencias, unha curtametraxe de 27 minutos que conta a dor de Lulu, unha nai que perde o seu marido e o seu fillo, desaparecidos polo crime organizado.[4]
Na súa obra, retratou a impunidade das persoas ante a xustiza e as institucións, humanizando ás vítimas. Sobre Tempestad, Huezo dixo:
Fronte ao vómito de figuras, imaxes e discursos que invisibilizan as vítimas, converténdoas en números, semella imprescindible volver aos rostros, ao xesto íntimo, á súa historia e complexidade, volver ás persoas, aos seus soños, dores e esperanzas. Quizais entón a partir de aí poidamos volver á empatía, á capacidade de movernos.[1]
Tempestad, que no 2016 recibiu o Premio Fénix ao mellor documental,[5] conta as historias reais de Miryam Carvajal, unha muller mexicana que pasou case un ano no cárcere de Matamoros acusada de tráfico humano, un crime que non cometeu, e de Aldela Alvarado, que busca a súa filla desaparecida.[6] "O que pasa en México está preto da guerra civil que se está a dar en Centroamérica", explica Huezo.
Os mecanismos do terror [no Salvador] son moi similares aos que se dan na actualidade en México. [...] Comezamos a ver cadáveres sen cabezas, o desenvolvemento do feminicidio na fronteira cos Estados Unidos. [...] Lamentablemente en América Latina atopamos unha corrupción xeneralizada, e a impunidade segue exercendo sobre a base dunha profunda desigualdade económica entre as persoas.[6]
Filmografía
[editar | editar a fonte]- Tiempo cáustico (1997)
- El ombligo del mundo (2001)
- El lugar más pequeño (2011)
- Ausencias (2015)
- Tempestad (2016)
- Noche de fuego (2021)
Notas
[editar | editar a fonte]- ↑ 1,0 1,1 La Prensa Gráfica, ed. (14 de setembro de 2017). "'Tempestad', de la salvadoreña Tatiana Huezo, es la apuesta de México para los premios Oscar y Goya" (en castelán). AP. Consultado o 10 de novembro de 2017.
- ↑ "Tatiana Huezo Sánchez". Film in Latino (en castelán). Consultado o 10 de novembro de 2017.
- ↑ 3,0 3,1 "Tempestad" (en castelán). DocumentaMadrid. Arquivado dende o orixinal o 4 de maio de 2016. Consultado o 10 de novembro de 2017.
- ↑ Bautista, Eduardo (20 de xaneiro de 2015). "Documentar el vacío de los desaparecidos, el reto de 'Ausencias'" [Documenting the Vacuum of the Disappeared, the Challenge of 'Ausencias']. El Financiero (en castelán). Consultado o 10 de novembro de 2017.
- ↑ "'Tempestad', mejor documental en los Premios Fénix del cine iberoamericano" ['Tempestad', Best Documentary at the Fénix Awards for Ibero-American Film]. La Vanguardia (en castelán). 8 de decembro de 2016. Consultado o 10 de novembro de 2017.
- ↑ 6,0 6,1 Lépine, Cédric (11 de outubro de 2016). "Entretien avec Tatiana Huezo pour son film 'Tempestad'" [Interview with Tatiana Huezo for Her Film 'Tempestad']. Mediapart (en francés). Consultado o 10 de novembro de 2017.
Véxase tamén
[editar | editar a fonte] |
Wikimedia Commons ten máis contidos multimedia na categoría: Tatiana Huezo  |
Ligazóns externas
[editar | editar a fonte]- Tatiana Huezo na IMDb (en inglés).
