Tatiana Țîbuleac
  | |
| Biografía | |
|---|---|
| Nacemento | 15 de outubro de 1978 (45 anos) Chișinău |
| Datos persoais | |
| País de nacionalidade | Romanía Moldavia |
| Educación | Universidade estatal de Moldavia |
| Actividade | |
| Campo de traballo | Belas letras e xornalismo |
| Lugar de traballo | París |
| Ocupación | escritora , xornalista , tradutora |
| Empregador | Pro TV Chișinău (en)  |
| Lingua | Lingua romanesa |
Premios
| |
 | |
Tatiana Țîbuleac, nada en Chisináu o 15 de outubro de 1978, é unha escritora, xornalista e tradutora moldova-romanesa.
Traxectoria[editar | editar a fonte]
Tatiana Țîbuleac naceu na capital de Moldavia, Chisinau. O seu pai era xornalista e a súa nai editora, polo que creceu rodeada de libros e xornais e afeccionouse pronto á lectura.[1]
Estudou xornalismo e comunicacións na Universidade Estatal de Moldavia e durante eses anos xa empezou a colaborar con diversos medios en calidade de tradutora, correctora e reporteira.[2]
En 1995 Țîbuleac empezou a traballar no xornal FLUX, de gran difusión nesa época en Romanía. Pouco despois tivo a súa propia columna, chamada "Povești adevărate" ("Historias verdadeiras").[3]
Catro anos máis tarde pasou a traballar na televisión, nunha canle moldova chamada Pro TV Chișinăou, onde comezou como reporteira e posteriormente foi presentadora. Nalgunha ocasión comentou que no seu traballo tentaba escribir sobre persoas diferentes e non famosas, porque as atopaba máis interesantes. De feito, adoitaba dedicar días a coñecer persoas pobres, con enfermidades e en xeral con problemas sociais sobre os que despois escribir.[1]
En 2007 deixou o xornalismo e trasladouse a París en 2008. Segundo ela contou, veulle moi ben o cambio de vida para atopar un modo novo de escribir.
Publicou en Moldavia o seu primeiro libro Fabule Moderne, en 2014. Trátase dunha colección de 50 historias curtas sobre a migración. O libro tivo a súa orixe por mor de varias publicacións en Facebook, feitas co propósito de inspirar as persoas que vivían lonxe do seu fogar e falar sobre a migración desde unha perspectiva diferente. As opinións e os debates xerados na rede social fixeron de Fábulas modernas un fenómeno dos máis populares aquel ano.[1]
A súa primeira novela Vara în care mama a avut ochii verzi publicouse en 2017.[4] Segundo algúns medios, "unha crúa e íntima reflexión sobre as relacións maternofiliales que apela á forza do amor e o perdón" e tamén a crítica destacou a poesía que destila o estilo descarnado da autora.[5][6] A novela gañou múltiples premios literarios e foi traducida ao francés e ao español.[7] En Bucarest fíxose unha obra de teatro da novela.[1]
En 2018 publicou a súa segunda novela Grădina de sticlă pola que lle concederon o Premio da Unión Europea de Literatura.[8][9][1]
Obras[editar | editar a fonte]
- 2014 Fabule Moderne
- 2017 Vara în care mama a avut ochii verzi (traducido ao galego como O verán no que miña nai tivo os ollos verdes)
- 2018 Grădina de sticlă
Premios[editar | editar a fonte]
- 2020. Premio As Librarías Recomendan (CEGAL)
- 2019. Premio Cálamo Libro do ano 2019 por El verano que mi madre tuvo los ojos verdes.[2]
- 2019. Libro do Ano das Librarías de Madrid (Finalista)
- 2018. Premio da Unión de Escritores Moldavos (Romanía)
- 2019. Premio Observator Cultural (Romanía)[10]
- 2019. Premio Lyceum (Romanía)
- 2019. Premio de Literatura da Unión Europea.[9]
Notas[editar | editar a fonte]
- ↑ 1,0 1,1 1,2 1,3 1,4 "Tatiana Țîbuleac, from passionate reporter to successful writer" (en inglés). 2019-09-02. Consultado o 2020-11-04.
- ↑ 2,0 2,1 "Radio Romania International - Tatiana Tibuleac, premio Cálamo". Consultado o 2020-11-05.
- ↑ "Tibuleac-Tatiana.-Gradina-de-sticla.pdf". Consultado o 2021-03-31.
- ↑ "IMPEDIMENTA » El verano en que mi madre tuvo los ojos verdes". Consultado o 21 de febreiro de 2020.
- ↑ Andrés Seoane (2019-04-18). "Tatiana Tibuleac: "Siempre hay tiempo para hacer las paces, incluso con los muertos"" (en castelán). Consultado o 2020-11-05.
- ↑ EFE, Agencia (2019-03-15). "Tatiana Tibuleac, la exitosa autora moldava que no sabe escribir de amor" (en castelán). Consultado o 2020-11-05.
- ↑ "III Edición Rodando Páginas. Los libros van a las pantallas." (PDF).
- ↑ "11th edition of the European Union Prize for Literature (EUPL) – Librebook" (en inglés). Consultado o 2022-03-26.
- ↑ 9,0 9,1 "Tatiana Țîbuleac | EU Prize for Literature". Arquivado dende o orixinal o 24 de xaneiro de 2020. Consultado o 21 de febreiro de 2020.
- ↑ "Radio Romania International - “Observator Lyceum”, a project carried out by Observator Cultural". Consultado o 2020-11-05.
