Taraf de Haïdouks

Taraf de Haïdouks
	concerto en Caldas de Reis
Orixe	Clejani, Romanía
Período	1990-
Xénero(s)	música romaní
Selo(s) discográfico(s)	divano production
Membros	Fixos: Ilie Iorga, Paul Giuclea, Constantin Boieru Lautaru, Gheorghe Anghel, Gheorghe Fălcaru, Gheorghe Robert, Marin Manole, Ionitsa Manole e Ion Tanase. Ocasionais: Constantin Sandu, Florea Pârvan, Marin Sandu
Antigos membros	Nicolae Neacşu, Dumitru Baicu, Ion Manole
Na rede
	blog do grupo

Taraf de Haïdouks é unha banda romanesa de música romaní, orixinaria da comuna de Clejani, do distrito Giurgiu. É o grupo máis célebre do xénero na era poscomunista.

Son coñecidos no seu país como Taraful Haiducilor, que vén a significar "banda dos proscritos". "Taraf" é tamén o nome tradicional dos grupos de lăutaris (músicos xitanos da tradición romanesa). "Haiduk" é unha palabra de orixe turca que significa "bandido"; en romanés ten unha connotación arcaica ou rústica. O nome do grupo é coñecido internacionalmente como "Taraf de Haïdouks" (construción xenitiva francesa).

A agrupación formouse en 1990, pouco despois da morte do ditador Nicolae Ceaușescu. Inicialmente eran doce músicos non profesionais, que tocaban por pasalo ben. Son coñecidos na Europa occidental mercede ó etnomusicólogo suízo Laurent Aubert e ós músicos belgas Stéphane Karo e Michel Winter.

Membros[editar | editar a fonte]

Fundadores[editar | editar a fonte]

Nicolae Neacşu ("Culai"): violín e voz. Falecido en setembro de 2002.
Dumitru Baicu ("Cacurică"): pequeno címbalo e voz. Falecido en setembro de 2007.
Ion Manole ("Şaică" ou "Boşorogu"): violín e voz. Falecido.
Ilie Iorga: voz, orixinario de Mârşă.
Paul Giuclea ("Pasalan"): violín e voz, orixinario de Mârşă.
Constantin Boieru Lautaru ("Costica"): violín e voz, orixinario de Mârşă.
Gheorghe Anghel ("Caliu"): violín.
Gheorghe Fălcaru ("Fluierici"): frauta, contrabaixo.
Gheorghe Robert: viola.
Marin Manole ("Marius"): acordeón.
Ionitsa Manole: acordeón.
Ion Tanase ("Ionică"): pequeno e gran címbalo.