Tampereen Pyrintö
| Tampereen Pyrintö | |||
|---|---|---|---|
| |||
| Tipo | club deportivo  | ||
| Forma xurídica | registered association (en)  | ||
| Deporte | Pesäpallo (pt) , Cheerleading, Esquí de fondo, baloncesto, Salto de esquí, halterofilia, Patinaxe de velocidade sobre xeo, orientación e atletismo | ||
Composto por
| |||
| Actividade | |||
| Industria | actividades deportivas | ||
| Data | |||
| Fundación | 1896 | ||
| Localización | |||
| País | Finlandia | ||
| Sede | Kaakinmaa (en) | ||
| Fontes e ligazóns | |||
| Páxina WEB | tampereenpyrinto.fi | ||
| [ Wikidata ] [ C:Commons ] | |||
O Tampereen Pyrintö é un club polideportivo da cidade de Tampere, Finlandia. Fundouse en 1896 e na actualidade conta con seccións de cheerleading, esquí de fondo, baloncesto, voleibol, salto de esquí, halterofilia, patinaxe de velocidade, orientación e atletismo, se ben no pasado contou tamén con equipos de pesäpallo e hóckey sobre xeo, entre outros.[1]
Ao longo da súa historia os deportistas do club conseguiron un total de 27 medallas olímpicas, salientando figuras como o corredor Ville Ritola, o triplo saltador Ville Tuulos e as esquiadoras Hilkka Riihivuori e Lydia Wideman-Lehtonen. Ademais os seus equipos de baloncesto feminino e masculino proclamáronse campións de Finlandia en oito e tres ocasións respectivamente.[1]
Historia
[editar | editar a fonte]Durante os seus primeiros vinte anos de existencia o club representaba case toda a historia do atletismo finlandés.[2]
O club pasou os seus peores momentos en 1918 por motivo da guerra civil. Como resultado da contenda os seus presidente e secretario faleceron, confiscáronse as propiedades do club, destruíronse os seus arquivos, e mesmo se afundiron no fondo do Pyhäjärvi as casetas que o club empregaba para a patinaxe sobre xeo. A guerra afectou tamén ás actividades do club, como no caso da loita, disciplina na que a maior parte dos seus deportistas combatían na Garda Vermella e poucos puideron continuar. O club traballou para reconstruírse e xa en 1920 conseguiu que seis dos seus atletas puidesen participar nos VII Xogos Olímpicos celebrados en Anveres (Bélxica).[2]
Despois da guerra civil produciuse unha división no deporte finlandés logo de que a Federación Deportiva Finlandesa (coñecida polas súas siglas en finés SVUL) expulsase os deportistas e entidades vinculadas ao bando vermello, que se uniron á Federación Deportiva de Traballadores (polas súas siglas en finés, TUL). A TUL tivo unha forte presenza en Tampere e os seus clubs adoitaban recibir a maior cantidade de recursos, coa excepción do Pyrintö, que a pesar de estar afiliado á SVUL afirmaba que o fundaran obreiros, e que comprendía unha gran cantidade de disciplinas deportivas. O Pyrintö ademais conseguira notables éxitos deportivos que lle daban visibilidade á cidade.[3]
En 1925 o club conquistou a súa primeira Kalevan malja.[2]
En 1935 o Pyrintö era o club máis grande de Tampere, cun total de 1 035 membros, superando o Tampereen Kisa-Veikot (964), segundo equipo máis grande da cidade e pertencente á TUL.[3]
En xaneiro de 2021 foi nomeado club deportivo do ano 2020 na Gala do Deporte Finlandés (en finlandés Suomen urheilugaala).[4]
En 2021 o Pyrintö conseguiu de novo a Kalevan malja logo de 71 anos.[5]
Notas
[editar | editar a fonte]- ↑ 1,0 1,1 "Johtava yleisseura vuodesta 1896" (en finés). Tampereen Pyrintö ry. Consultado o 11 de xuño de 2025.
- ↑ 2,0 2,1 2,2 Alvalahti, Markus. "Tampereen Pyrintö". Koskesta Voimaa (en finés). Universidade de Tampere. Consultado o 11 de xuño de 2025.
- ↑ 3,0 3,1 Alvalahti, Markus. "Urheiluelämä Tampereella 1918-1940". Koskesta Voimaa (en finés). Universidade de Tampere. Consultado o 11 de xuño de 2025.
- ↑ Gynther, Mikko (15 de xaneiro de 2021). "Kun lupa maaottelun järjestämiseen tuli, Elisa Hakasen ympärillä riitti apua: ”Se määrä oli jotain käsittämätöntä”". Aamulehti (en finés). Consultado o 12 de xuño de 2025.
- ↑ "Tampereen Pyrintö voitti Kalevan Maljan ensi kerran 71 vuoteen!" (en finés). Suomen yleisurheilu. 12 de setembro de 2021. Consultado o 11 de xuño de 2025.
Véxase tamén
[editar | editar a fonte] |
Wikimedia Commons ten máis contidos multimedia na categoría: Tampereen Pyrintö |
Ligazóns externas
[editar | editar a fonte]- Sitio web oficial (en finés) (en inglés)
