Talk Talk

Na Galipedia, a Wikipedia en galego.
Saltar ata a navegación Saltar á procura
Talk Talk
OrixeLondres, Inglaterra Inglaterra
Período1981 - 1991
Xénero(s)synthpop, new wave (inicios)
art rock, post-rock (posteriormente)
Selo(s) discográfico(s)EMI, Polydor
MembrosMark Hollis
Lee Harris
Paul Webb
Simon Brenner

Talk Talk foi unha banda inglesa activa dende 1981 ata 1991. O grupo foi parte do movemento new wave inglés que tamén incluía a artistas como Duran Duran e tivo unha serie de sinxelos exitosos nos seus primeiros anos como "Today", "Talk Talk", "It's My Life", "Such a Shame" e "Dum Dum Girl". Sempre incómodos cos requisitos e a presión da industria do pop, Talk Talk alonxouse do synthpop cara unha música máis experimental a mediados dos 80. Uns poucos máis sinxelos, como "Life's What You Make It" e "Living in Another World", conseguiron o éxito en Europa, pero o seu atractivo comercial baixou rapidamente a medida que a súa reputación aumentaba.

A banda separouse en 1991. O vocalista Mark Hollis editou un álbum en solitario antes de retirarse da industria musical. O baixista e o batería fundadores Paul Webb e Lee Harris tocaron nun feixe de bandas xuntos; o cuarto membro de facto, Tim Friese-Greene continua no negocio como músico e produtor. Os seus derradeiros dous álbums, Spirit of Eden e Laughing Stock, foron moi aclamados e son moi influentes no rock alternativo experimental, especialmente no post-rock. 25 anos despois da publicación de Spirit of Eden, que The Guardian considerou a súa obra mestra, Talk Talk era aínda eloxiada como un exemplo clásico dunha banda que se negou a comprometer a súa arte polas presións comerciais, e Hollis e os seus compañeiros son vistos como uns dos artistas máis interesantes que saíron do movemento synthpop dos 80.

Discografía[editar | editar a fonte]

Álbums[editar | editar a fonte]

Álbum Ano Selo
The Party's Over 1982 EMI
It's My Life 1984 EMI
The Colour of Spring 1986 EMI
Spirit of Eden 1988 Parlophone, EMI
Laughing Stock 1991 Verve Records, Polydor