O takoyaki (en xaponés :たこ焼き ou 蛸焼) é un aperitivoxaponés con forma de bóla feito cunha masa a base de fariña de trigo e cociñado nunha tixola especial moldeada. Normalmente énchese con polbo picado ou en dados (tako), restos de tempura (tenkasu), xenxibre en escabeche (beni shoga) e cebola verde (negi).[1] As bólas úntanse con salsa takoyaki (semellante á salsa Worcestershire) e maionesa, e despois bótanse con alga verde (aonori) e lascas de bonito seco (katsuobushi).
O yaki (焼く) é un dos métodos de cocción da cociña xaponesa, que significa "grellar", e pódese atopar nos nomes doutros pratos da cociña xaponesa como o okonomiyaki e o ikayaki (outros pratos famosos de Osaca).[2] Normalmente, cómese como merenda ou entre comidas, pero nalgunhas zonas sérvese como acompañamento con arroz. É un exemplo de konamono (konamon no dialecto de Kansai), ou cociña xaponesa a base de fariña.
