Tódolos homes do presidente
| All the President's Men | |
|---|---|
| Ficha técnica | |
| Título orixinal | Tódolos homes do presidente |
| Director | Alan J. Pakula |
| Produtor | Walter Coblenz |
| Guión | William Goldman |
| Baseado en | All the President's Men, de Carl Bernstein e Bob Woodward |
| Intérpretes | Robert Redford Dustin Hoffman Jack Warden Martin Balsam Hal Holbrook Jason Robards |
| Música | David Shire |
| Fotografía | Gordon Willis |
| Montaxe | Robert L. Wolfe |
| Estudio | Wildwood Enterprises |
| Distribuidora | Warner Bros. |
| Estrea | 9 de abril de 1976 |
| Duración | 138 minutos |
| Orixe |  Estados Unidos |
| Orzamento | 1,5 millóns de dólares |
| Recadación | 70,6 millóns de dólares[1] |
| Na rede | |
           | |
Tódolos homes do presidente (en inglés: All the President's Men) é un filme estadounidense de 1976 dirixido por Alan J. Pakula e protagonizado por Robert Redford, Dustin Hoffman, Jack Warden, Jason Robards, Martin Balsam, Hal Holbrook e Jane Alexander nos papeis principais.
Baseada no libro homónimo de Bob Woodward e Carl Bernstein publicado en 1974, relata a historia da investigación xornalística que conduciuo ao famoso "escándalo Watergate", que obrigou a Richard Nixon a dimitir como presidente dos Estados Unidos de América.
En 2010 o filme foi considerado "cultural, histórica e esteticamente significativo" pola Biblioteca do Congreso dos Estados Unidos de América e seleccionado para a súa preservación no National Film Registry.
Foi emitido na TVG o 20 de marzo de 1992.[2]
Argumento
[editar | editar a fonte]Os xornalistas de The Washington Post, Carl Bernstein e Bob Woodward investigan un asunto de carácter político que aparentemente ten pouca importancia. Ao ver que nomeados avogados están traballando no caso, danse de conta de que detrás de todo iso pode haber algo moito máis importante. Intensifican as súas averiguacións seguindo todas as pistas que se van abrindo ante eles, ata que consegue a colaboración dun confidente. Ao final destapan un asunto sucio que implica a Casa Branca, e con iso ao mesmo presidente da nación.
A trama abrangue ademais dos sucesos políticos acontecidos durante o escándalo Watergate as discusións dos xornalistas cos seus xefes sobre a forma en que deben tratar as novas, as consecuencias de revelar graves actos ilegais dos asesores presidenciais, e as peripecias vividas por Bernstein e Woodward para sustentar os sseus informes e artigos.
A narración acaba abruptamente co xuramento de Nixon como presidente reelecto o 20 de xaneiro de 1973. Para non omitir a verdadeira conclusión da historia (a renuncia de Nixon en agosto de 1974), os sucesos posteriores en xaneiro de 1973 nárranse mediante notas mecanografadas de estilo xornalístico, filmados nas escenas finais. A última nota redúcese a dar conta da renuncia de Richard Nixon o 9 de agosto de 1974 e a asunción ao mando de Gerald Ford esa mesma data.
Diferenzas entre o libro e o filme
[editar | editar a fonte]A diferenza do libro, o filme só cobre os primeiros sete meses do escándalo de Watergate, dende o momento da incursión no edificio Watergate (xullo de 1972) ata a toma de posesión de Richard Nixon en 1973. Pola contra, o libro cobre os sucesos dende a incursión no edificio Watergate ata xuño de 1973, cando se revela a existencia dun sistema de gravacións secretas dentro da Casa Branca en abril de 1973.
Nin o libro nin o filme relatan os acontecementos posteiores ocorridos durante a investigación do Senado contra o presidente Nixon nin a renuncia deste. Non obstante, no filme sálvanse estas omisións nunhas poucas escenas, revelando o efecto "bóla de neve" provocado por Woodward e Bernstein, e describindo de forma breve pero directa a forma en que terminou o escándalo Watergate.
Elenco
[editar | editar a fonte]- Dustin Hoffman - Carl Bernstein
- Robert Redford - Bob Woodward
- Jack Warden - Harry M. Rosenfeld
- Martin Balsam - Howard Simons
- Hal Holbrook - "Garganta Profunda/Deep Throat"
- Jason Robards - Ben Bradlee
- Jane Alexander - Judy Hoback
- Meredith Baxter - Debbie Sloan
- Ned Beatty - Martin Dardis
- Polly Holliday - Secretaria de Martin Dardis
- Stephen Collins - Hugh W. Sloan, fillo.
- Penny Fuller - Sally Aiken
- Robert Walden - Donald Segretti
- Frank Wills - El mesmo
- F. Murray Abraham - Sarxento de policía Paul Leeper
- David Arkin - Eugene Bachinski
- Henry Calvert - Bernard Barker
- Dominic Chianese - Eugenio Martínez
- Ron Hale - Frank Sturgis
- James Karen - Avogado de Hugh Sloan
- Basil Hoffman - Editor Asistente
Notas
[editar | editar a fonte]- ↑ "All the President's Men, Box Office Information". Box Office Mojo. Consultado o 23-1-2012.
- ↑ Programación de televisón
Véxase tamén
[editar | editar a fonte]Bibliografía
[editar | editar a fonte]- Goldman, William (1982). Adventures in the Screen Trade. Warner Books.
Ligazóns externas
[editar | editar a fonte]- Washington Post's retrospective article
- Time magazine profileArquivado 19 de maio de 2009 en Wayback Machine.
- Director Steven Soderbergh on the film for The New York Times
- From the Watergate Break-in to a Broken News Media
| Control de autoridades |
|
|---|
- Filmes de 1976
- Filmes dos Estados Unidos de América
- Filmes en lingua inglesa
- Filmes dirixidos por Alan J. Pakula
- Filmes biográficos sobre xornalistas
- Filmes sobre política
- Filmes de Warner Bros.
- Filmes rodados nos Estados Unidos de América
- Filmes ambientados en 1972
- Filmes ambientados en 1973
- Filmes ambientados en 1974
- Filmes ambientados en 1975
- Filmes ambientados en Miami
- Filmes ambientados nos Estados Unidos de América
- Filmes ambientados en Washington, D.C.
- Filmes preservados no National Film Registry
- Filmes sobre presidentes dos Estados Unidos de América
- Filmes de 1976 con versión en galego