Tívoli

Para outras páxinas con títulos homónimos véxase: Tívoli (homónimos).

Tívoli
Tivoli
Vistas da cidade
Localización
Tívoli
País	Italia
Rexión	Lacio
Provincia	Provincia de Roma
Xeografía
Altitude	235 msnm
Superficie	68 km²
Demografía
Poboación	54 939 hab. (2021)
Densidade	780 hab/km²
Outros datos
Código postal	00019
Alcalde	Giuseppe Proietti
Páxina oficial de Tívoli

Tívoli, en latín Tibur, en italiano Tivoli, é unha cidade do Lacio, en Italia, na provincia de Roma. En 2021 tiña 54 939 habitantes. Está na marxe esquerda do río Aniene, no nordeste de Roma.

Historia e características

Nestas terras, entre outras materias primas, había unha pedra chamada actualmente travertino, que foi moi usada en Roma; aínda existen restos das antigas canteiras. O Coliseo e a Basílica de San Pedro de Roma están feitos con este material.

Foi unha localidade romana coñecida pola súa paisaxe agreste, con bosques intercalados e fervenzas, cun clima máis fresco e limpo que a populosa Roma. Converteuse en lugar de veraneo en tempos do Imperio romano. Alí tiveron vilas moitos personaxes romanos, entre os que cabe mencionar ao emperador Adriano e ao poeta Quinto Horacio Flaco (65–8 a. C.). As modernas obras hidráulicas de captación de auga variaron sensiblemente a paisaxe do lugar.

Véxase tamén

Ligazóns externas

• Páxina web oficial de Tivoli (en italiano)