Sumicio

O sumicio é un personaxe da mitoloxía galega, tamén presente en Asturias,^[1] do tipo dos trasnos pero que parece ser invisible e impalpable. O sumicio é un xenio doméstico e dedícase a facer travesuras de pouca importancia, tal como agochar as cousas que a xente utiliza e no momento no que as necesita. Para que as devolva ó seu sitio cómpre rezar unha oración a Santo Antón.

Un personaxe similar descríbese tamén en Francia ou Italia.

Notas

↑ Onde se di que pode consumir persoas e propiedades, polo que se di, nestes casos: Entróuye el sumicio (Bernardo Acevedo y Huelves e Marcelino Fernández y Fernández (1932): Vocabulario del bable de occidente [no Dicionario de Dicionarios]).

Véxase tamén

Bibliografía

Cuba, X. R.; Reigosa, A.; Miranda, X. (2008). Dicionario dos seres míticos galegos. Vigo: Xerais. ISBN 978-84-9782-869-7.
Rodríguez González, Eladio (1958-1961). Diccionario enciclopédico gallego-castellano. Vigo: Galaxia.
Vaqueiro, Vítor (2011). Mitoloxía de Galiza. Lendas, tradicións, maxias, santos e milagres. Vigo: Galaxia. ISBN 978-84-9865-387-8.

[1] Onde se di que pode consumir persoas e propiedades, polo que se di, nestes casos: Entróuye el sumicio (Bernardo Acevedo y Huelves e Marcelino Fernández y Fernández (1932): Vocabulario del bable de occidente [no Dicionario de Dicionarios]).

[1]