Stranger Things

Na Galipedia, a Wikipedia en galego.
Saltar ata a navegación Saltar á procura

Stranger Things
Stranger Things logo.png
Logo de Stranger Things.
FormatoCiencia ficción, sobrenatural, drama, terror e misterio
Creado porIrmáns Duffer
Desenvolvido por21 Laps Entertainment
Monkey Massacre
Intérpretes
País de orixeEstados Unidos de América Estados Unidos
Lingua(s)Inglés
Temporadas3
Episodios25 (Lista de episodios)
Produción
Produtor(es)
executivo(s)
  • Karl Gajdusek
  • Cindy Holland
  • Brian Wright
  • Matt Thunell
  • Shawn Levy
  • Dan Cohen
  • Irmáns Duffer
  • Iain Paterson
Localización(s)Jackson, Xeorxia[1]
Duración42-55 minutos
DistribuidorNetflix
Emisión orixinal
Canle de orixeNetflix
Formato de imaxe4K (Ultra HD)
Primeira emisión15 de xullo de 2016
Derradeira emisiónpresente
Ligazóns externas
Páxina web
Ficha na IMDb

Stranger Things é unha serie de televisión estadounidense do xénero sobrenatural, ciencia ficción e terror creada polos Irmáns Duffer.[2] Foi escrita e dirixida por Matt e Ross Duffer e o seu produtor executivo é Shawn Levy.[3] A primeira tempada, estreada en xullo de 2016, está protagonizada por Winona Ryder, David Harbour, Finn Wolfhard, Millie Bobby Brown, Gaten Matarazzo, Caleb McLaughlin, Natalia Dyer, Charlie Heaton, Cara Buono e Matthew Modine, xunto con Noah Schnapp e Joe Keery nos papeis secundarios. Na segunda tempada, Schnapp e Keery foron promovidos a actores principais, xunto coas incorporacións Sadie Sink, Dacre Montgomery, Sean Astin e Paul Reiser.

Está ambientada na vila ficticia de Hawkins, Indiana, na década de 1980. A primeira tempada céntrase na investigación da desaparición dun rapaz no medio de eventos sobrenaturais en toda a vila, nos que está implicada unha rapaza con habilidades psicoquinéticas. A rapaza axuda ós amigos do desaparecido a atopalo. A segunda tempada, titulada Stranger Things 2, ocorre un ano despois da primeira, e conta as dificultades dos personaxes de volver á normalidade despois dos eventos ocorridos na primeira tempada.

Estresouse a través da canle Netflix o 15 de xullo de 2016. Recibiu a aclamación da crítica pola súa caracterización, a atmosfera, as actuacións, a banda sonora, o guión e as homenaxes ós filmes da década de 1980. Recibiu tamén varios premios e nomeamentos, incluíndo o Screen Actors Guild ó mellor conxunto de actores dunha serie dramática, e dezaoito nomeamentos ós premios Primetime Emmy. O 31 de agosto de 2016, Netflix renovou a serie para unha segunda tempada de nove episodios, que foi estreada o 27 de outubro de 2017. Os irmáns Duffer confirmaron que a serie continuaría nunha terceira tempada, co obxectivo de concluíla cunha cuarta ou quinta tempada.

Personaxes[editar | editar a fonte]

Recorrentes[editar | editar a fonte]

  • Noah Schnapp como Will Byers
  • Joe Keery como Steve Harrington
  • Shannon Purser como Barbara "Barb" Holland
  • Ross Partridge como Lonnie
  • Rob Morgan como Oficial Powell
  • John Paul Reynolds como Oficial Callahan
  • Randall P. Havens como Scott Clarke
  • Aimee Mullins como Terry Ives

Notas[editar | editar a fonte]

  1. Jackson Progress-Argus, ed. (17 de novembro de 2015). "Film Shooting on the Square Next Week". Arquivado dende o orixinal o 18 de novembro de 2015. Consultado o 24 de novembro de 2015. 
  2. DenofGeek.com (ed.). "Netflix's Stranger Things spoiler-free review". Consultado o 17 de xullo de 2016. 
  3. Andreeva, Nellie (2 de abril de 2015). Deadline.com, ed. "Netflix Orders Supernatural Drama Series From Matt & Ross Duffer, Shawn Levy". Consultado o 3 de abril de 2015. 

Véxase tamén[editar | editar a fonte]

Ligazóns externas[editar | editar a fonte]