Stevie Nicks

Stevie Nicks
	; (2013)
Biografía
Nacemento	(en) Stephanie Lynn Nicks ; 26 de maio de 1948 (77 anos); Phoenix
Outros nomes	Stevie Nicks
Residencia	Os Ánxeles
Educación	Universidade Estatal de San Jose ; Arcadia High School (en) ; Menlo-Atherton High School (en) ; Judge Memorial Catholic High School (en) ; Cañada College (en)
Actividade
Campo de traballo	Composición musical
Ocupación	cantante, autora de diarios, artista discográfica, cantautora, compositora de cancións, directora de cine
Período de actividade	1969 -
Membro de	Fleetwood Mac (1967–2022)
Xénero artístico	Pop rock, country rock e soft rock
Tesitura	Soprano ; ;
Instrumento	Guitarra, pandeireta, teclado e voz
Selo discográfico	Polydor ; Atco Records ; Atlantic Records
Premios
	(2019) Salón da Fama do Rock ;
	Sinatura
Descrito pola fonte	Obálky knih,
Sitio web	stevienicksofficial.com

Stephanie Lynn "Stevie" Nicks, nada o 26 de maio de 1948 en Phoenix (Arizona), é unha cantante e compositora estadounidense, coñecida sobre todo polo seu traballo con Fleetwood Mac e a súa extensa carreira en solitario, que colectivamente produciron máis de 40 éxitos top 50 e venderon ao redor dos 140 millóns de álbums. Foi considerada "A raíña reinante do Rock and Roll" pola revista Rolling Stone, e como membro de Fleetwood Mac, foi engadida ao Rock and Roll Hall of Fame en 1998. Como artista en solitario, foi nomeada a oito premios Grammy, e con Fleetwood Mac a cinco máis.

Nicks uniuse a Fleetwood Mac en 1974, xunto coa súa parella sentimental e artística Lindsey Buckingham. O segundo álbum de Fleetwood Mac tras a incorporación de Nicks e Buckingham, Rumours, publicado en 1977, é o décimo álbum máis vendido de todos os tempos, con máis de 40 millóns de copias en todo o mundo e permanecendo no número 1 das listas de álbums estadounidenses durante 31 semanas, ademais de acadar a cima das listas de varios países.

Nicks comezou a súa carreira en solitario en 1981 co álbum Bella Donna, que chegou a vender 8 millóns de copias, e dende entón ten producido sete traballos máis de estudio, o máis recente deles titulado In Your Dreams e publicado o 3 de maio do 2011. Tras superar a súa adición á cocaína e a súa dependencia aos tranquilizantes, Nicks segue sendo unha artista en solitario moi popular. Nicks é coñecida pola súa distintiva voz, estilo visual místico e as súas letras simbólicas.