Stella Hackel Sims
 Stella Hackel Sims Directora da Casa da Moeda dos Estados Unidos (1977-1981) | |
| Biografía | |
|---|---|
| Nacemento | (en) Stella Bloomberg  27 de decembro de 1926 .svg){kind=small} . Burlington. Vermont. |
State treasurer (en)  | |
| | |
| Datos persoais | |
| País de nacionalidade |  Estadounidense |
| Educación |  Universidade de Vermont. Universidade de Boston. |
| Actividade | |
| Ocupación | Xurista, política e alta funcionaria. |
| Partido político | Partido Demócrata |
Stella Bloomberg —de solteira— ou Stella Hackel Sims, nada en Burlington, Vermont, o 27 de decembro de 1926, é unha xurista, política e alta funcionaria estadounidense que ocupou o cargo de directora da Casa da Moeda dos Estados Unidos entre 1977 e 1981.
Traxectoria[editar | editar a fonte]
Primeiros anos e formación[editar | editar a fonte]
Stella Bloomberg naceu en 1926 en Burlington, Vermont, e logo de recibir a primeira educación na súa localidade, cursou estudos superiores na Universidade de Vermont, onde se graduou en 1945, e posterormente acadou o seu doutoramento en Dereito na Universidade de Boston, en 1948.[1][2]
Carreira pública[editar | editar a fonte]
En 1956 foi elixida fiscal do tribunal da cidade de Rutland, en Vermont, cargo que ocupou ata 1963. Entre 1963 e 1973 foi comisionada do Departamento de Seguridade Laboral de Vermont, e no bienio 1971-1972 compaxinou este cargo coa presidencia da Conferencia Interestatal de Axencias de Seguridade Laboral.[1][2]
En 1974 foi designada como candidata polo Partido Demócrata para tesoureira do Estado de Vermont, cargo que desempeñou durante un mandato, de 1975 a 1977, logo do cal regresou a Rutland como fiscal. Tamén foi a candidata demócrata nas eleccións a gobernadora de Vermont de 1976, mais perdeu ante o republicano Richard A. Snelling.[1][2]
En 1977, o presidente Jimmy Carter nomeouna directora da Casa da Moeda dos Estados Unidos e exerceu este cargo entre novembro dese mesmo ano e abril de 1981. Como feito máis relevante neste período pódese destacar o seu labor de supervisión no lanzamento do coñecido como dólar Susan B. Anthony, en 1979.[1][2][3]
En 1978 atraeu a controversia tanto dos numismáticos como dos historiadores ao ordenar a destrución dos rexistros da Casa da Moeda.[4][5]
Vida persoal[editar | editar a fonte]
Stella Bloomberg casou o 14 de agosto de 1949 con Donald Herman Hackel, con quen tivo dúas fillas. Logo do falecemento deste, casou en segundas nupcias o 28 de agosto de 1980 con Arthur Sims (finado en 2006).[6] Logo dos seus matrimonios, colleu os apelidos dos seus maridos e pasou a ser coñecida inicialmente como Stella Hackel e despois Stella Hackel Sims.[1]
Sims retirouse en 1988 e trasladouse a vivir ao condado de Arlington, en Virxinia, e a Naples en Florida.[1]
Notas[editar | editar a fonte]
- ↑ 1,0 1,1 1,2 1,3 1,4 1,5 "Stella Bloomberg Hackel-Sims". Prabook.com
- ↑ 2,0 2,1 2,2 2,3 "Hackel-Sims, Stella". En Duffy, J. et al. (ed). (2003). Páxina 148.
- ↑ McPike, S. (2015).
- ↑ "Why did Stella Hackel Sims Destroy Valuable Mint Records?". En Montgomery, P. et al. (2005). Million Dollar Nickels: Mysteries of the Illicit 1913 Liberty Head Nickels Revealed. Zyrus Press. Páxina 47. ISBN 978-0-9742371-8-3
- ↑ Julian, R. W. (2001). "Hackel's Mint Record Destruction". En The E-Sylum. Volume 4. Nº 22. 27 de maio.
- ↑ "Obituary: Arthur I. Sims M.D.". En The Washington Post. 15 de xaneiro de 2006.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Stella Hackel Sims  |
Bibliografía[editar | editar a fonte]
- Duffy, J. et al. (ed). (2003). The Vermont Encyclopedia. University of Vermont Press. Páxina 148. ISBN 1-58465-086-9
- McPike, S. (2015). "Six Women Who Have Led the United States Mint". United States Mint News. 18 de marzo.
Outros artigos[editar | editar a fonte]
| Predecesor: Mary Brooks |
 Director da Casa da Moeda dos Estados Unidos 1977 - 1981 |
Sucesor: Donna Pope |
