Teatro Estatal de Praga
Coordenadas: 50°05′10″N 14°25′26″L / 50.086111111111, 14.423888888889
| Teatro Estatal de Praga | |
|---|---|
 |
O Teatro Estatal de Praga (checo: Stavovské divadlo) é o teatro localizado en Praga, capital da República Checa, preto do Ovocný trh (Mercado de Froitas). Nel leváronse a cabo importantes estreas de obras teatrais e óperas, como o Don Giovanni de Wolfgang Amadeus Mozart en 1787.
Historia[editar | editar a fonte]
O edificio foi construído entre 1781 e 1783 por orde de Franz Anton conde de Nostitz-Rieneck. Foi inaugurado en 1783 cunha presentación de Emilia Galotti de Gotthold Ephraim Lessing. Tamén é coñecido como Teatro Nacional Graeflich Nostitz (Hraběcí Nosticovo národní divad) polo nome do seu arquitecto.
O Böhmischen Stände (o parlamento dos propietarios de terras) mercou o edificio en 1798 e chamárono en diante Královské Stavovské Divadlo (Teatro de Condición Real). En 1859 ampliárono construíndo un andar máis. A partir de 1862 foi usado exclusivamente para as representacións en alemán e por tanto foi renomeado como Teatro Real Alemán (Königlich Deutsches Stadttheater).
En 1920 foi redeseñado e retomou o seu antigo nome Stavovské Divadlo (Teatro Estatal) e funcionou principalmente como sala para as representacións teatrais en checo dos elencos do Teatro Nacional de Praga (Národní divadlo). En 1948 foi redeseñado polo dramaturgo checo Josef Kajetán Tyl e chamado até 1990 Tylovo divadlo, para volver chamarse novamente Stavovské Divadlo.
O edificio foi restaurado entre 1982 e 1990. O teatro é usado para as presentacións de ballet e teatro do Teatro Nacional (Národní divadlo). Tradicionalmente, en recordo das estreas, tamén se presentan óperas de Wolgang Amadeus Mozart.
Estreas[editar | editar a fonte]
- Wolfgang Amadeus Mozart: Don Giovanni (29 de outubro de 1787)
- Wolfgang Amadeus Mozart: La clemenza di Tito (6 de setembro de 1791)
- Louis Spohr: Faust (1 de setembro de 1816)
Véxase tamén[editar | editar a fonte]
 |
A Galipedia ten un portal sobre: Ópera |
Bibliografía[editar | editar a fonte]
- Zdekka Benesová: Das Ständetheater Prag. Geschichte und Gegenwart. Národní Divadlo, Praga 2000, ISBN 80-902183-8-5
- Harald Salfellner: Mozart und Prag. Vitalis, Praga 2006, ISBN 3-89919-076-9
Ligazóns externas[editar | editar a fonte]
- Národní divadlo (Teatro Nacional)
- Das Theater auf Postkarten
- Stavovské divadlo (Sitio checo do Prager Informationsdienst - "Servizo de Información de Praga")
