Stanley Donen

Na Galipedia, a Wikipedia en galego.
Stanley Donen
Stanley Donen.jpg
Donen en 2010
Nacemento 13 de abril de 1924 (93 anos)
Lugar Columbia, Carolina do Sur
Nacionalidade Estados Unidos de América Estados Unidos
Parella(s) Elaine May (1999-actualidade)
Cónxuxe(s) Jeanne Coyne (1948–1951)
Marion Marshall (1952–1959)
Adelle O'Connor Beatty (1960–1971)
Yvette Mimieux (1972–1985)
Pamela Braden (1990–1994)
Fillos Joshua Donen
Profesión Director, bailarín, coreógrafo
editar datos en Wikidata ]

Stanley Donen, nado en Columbia (Carolina do Sur) o 13 de abril de 1924 é un director de cinema, bailarín e coreógrafo estadounidense.

Traxectoria[editar | editar a fonte]

Naceu nunha familia xudía, e pasou unha infancia solitaria e infeliz, segundo as súas propias palabras. Por ese motivo pasaba moito tempo nos cines locais, sendo o musical de Fred Astaire e Ginger Rogers Flying Down to Rio (1933) o filme que máis lle impactou.

Inspirado por Astaire comezou a tomar leccións de baile e vía musicais en Broadway cando a súa familia ía de vacacións a Nova York. Persuadido pola súa nai, mudouse a dita cidade en 1940 para buscar unha carreira como bailarín. Tras dúas audicións, foi contratado para o musical Pal Joey, dirixido por George Abbott e protagonizado por Gene Kelly, que se faría famoso por ese papel. Abbott contratou logo a Donen como axudante en Beat the Band.

Donen chegou a Hollywood en 1943 para asistir ás audicións de Best Foot Forward e asinou un contrato dun ano con Metro-Goldwyn-Mayer. Entón renovou a súa amizade con Gene Kelly, que xa comezaba a destacar como protagonista de musicais. Kelly contratou a Donen como coreógrafo en As modelos e seguiron logo colaborando en máis coreografías.

En 1949 codirixiron o seu primeiro filme xuntos, On the Town, que se abría co novidoso número New York, New York. Tralo éxito do filme, Donen asinou un contrato de sete anos con MGM como director, dirixindo filmes como Singin' in the Rain e Sete noivas para sete irmáns.

A colaboración entre Donen e Kelly acabou en 1955 con It's Always Fair Weather e en 1957 converteuse nun produtor independente coa creación de Stanley Donen Productions, inaugurada con Indiscreet, con Cary Grant e Ingrid Bergman. O filme foi rodado en Londres e Donen quedou en Inglaterra ata 1970.

O último filme de Donen estreado nos cines foi Blame It on Rio, de 1984, con Michael Caine, Valerie Harper e Demi Moore, pero seguiu traballando na televisión e en 1998 recibiu un Oscar honorífico.

Filmografía[editar | editar a fonte]

Como director[editar | editar a fonte]

Ano Filme Notas
1949 On the Town Codirixido con Gene Kelly
1951 Royal Wedding
1952 Love Is Better Than Ever
Singin' in the Rain Codirixido con Gene Kelly
Fearless Fagan
1953 Give a Girl a Break
1954 Sete noivas para sete irmáns
Deep in My Heart
1955 It's Always Fair Weather Codirixido con Gene Kelly
1957 Funny Face
The Pajama Game Codirixido con George Abbott
Kiss Them for Me
1958 Indiscreet
Damn Yankees! Codirixido con George Abbott
1960 Once More, with Feeling!
Surprise Package
The Grass Is Greener
1963 Charade
1966 Arabesco
1967 Dous na estrada
Bedazzled
1969 A escaleira
1974 The Little Prince
1975 Muller afortunada
1978 Movie Movie
1980 Saturn 3
1984 Blame It on Rio
1999 Love Letters Telefilme

Véxase tamén[editar | editar a fonte]

Bibliografía[editar | editar a fonte]

  • Blair, Betsy (2003). Alfred A. Knopf, ed. The Memory of All That. ISBN 0-375-41299-9. 
  • Casper, Joseph A. (1983). Scarecrow Press, ed. Stanley Donen. ISBN 0-8108-1615-6. 
  • Charness, Casey (1977). New York University, ed. Hollywood cine-dance: a description of the interrelationship of camerawork and choreography in films by Stanley Donen and Gene Kelly. ISBN 0632043792. 
  • Hess, Earl J.; Dabholkar, Pratibha (2009). University Press of Kansas, ed. Singin' in the Rain: The Making of an American Masterpiece. ISBN 0-7006-1656-X. 
  • Hirschhorn, Clive (1984). W.H. Allen, ed. Gene Kelly: a Biography. ISBN 0-491-03182-3. 
  • Silverman, Stephen M. (1996). Knopf, ed. Dancing on the Ceiling: Stanley Donen and His Movies. New York. ISBN 0-679-41412-6. 
  • Thomson, David (2010). Alfred A. Knopf, ed. The New Biographical Dictionary of Film. ISBN 0-307-27174-9. 
  • Wakeman, John (1988). The H. W. Wilson Company, ed. World Film Directors, Volume 2. pp. 273–282. ISBN 0-8242-0763-7. 
  • Yudkoff, Alvin (1999). Back Stage Books, ed. Gene Kelly: A Life of Dance and Dreams. ISBN 0-8230-8813-8. 

Ligazóns externas[editar | editar a fonte]