Stanisław Padewski

Na Galipedia, a Wikipedia en galego.
Saltar ata a navegación Saltar á procura
Stanisław Padewski
Bispo da Igrexa católica latina
Biografía
Nacemento18 de setembro de 1932 en Nova Huta, RSS de Ucraína
Pasamento29 de xaneiro de 2017 en Sędziszów Małopolski, Polonia
Ordes
Ordenación sacerdotal24 de febreiro de 1957, por Stanisław Rospond
Consagración episcopal10 de xuño de 1995, por Antonio Franco
Bispo de Kharkiv-Zaporizhia
2002 - 2009
SucesorMarian Buczek
Outros
Ficha en catholic-hierarchy.org

Stanisław Padewski, nado o 18 de setembro de 1932 en Nova Huta (RSS de Ucraína) e finado o 29 de xaneiro de 2017 en Sędziszów Małopolski (Polonia), foi un relixioso capuchino polaco, bispo de Kharkiv-Zaporizhia entre 2002 e 2009.

Traxectoria[editar | editar a fonte]

Stanisław Padewski naceu o 18 de setembro de 1932 en Nova Huta, entón parte da RSS de Ucraína e hoxe na rexión de Ternopil de Ucraína. O 28 de agosto de 1950 ingresou na Orde dos Freires Menores Capuchinos, facendo a profesión solemne o 19 de setembro de 1953, con 21 anos. O 24 de febreiro de 1957 foi ordenado sacerdote por Stanisław Rospond, bispo auxiliar de Cracovia.

O 13 de abril de 1995 foi nomeado bispo auxiliar de Kamianets-Podilskyi e bispo titular de Tigias. Recibiu a consagración episcopal o 10 de xuño de 1995 de mans do arcebispo Antonio Franco, nuncio. O 10 de outubro de 1998 foi nomeado bispo auxiliar de Lviv.

O 4 de maio de 2002 o papa Xoán Paulo II nomeouno bispo da nova diocese de Kharkiv-Zaporizhia. Permaneceu no cargo até o seu retiramento por razóns de idade o 19 de marzo de 2009. Finou en Sędziszów Małopolski o 29 de xaneiro de 2017, con 84 anos.