Stade Français París

Na Galipedia, a Wikipedia en galego.
(Redirixido desde "Stade Français Paris")
Saltar ata a navegación Saltar á procura
Stede Français
Nome completo Stade Français Paris
Alcume(s) Todos rosas
Fundación 1883
Localización París, Francia
Estadio(s) a) Stade Jean-Bouin
b) Stade de France
Capacidade a) 12.000
b) 80.000
Presidente Francia Thomas Savare
Adestrador Francia Gonzalo Quesada
Capitán Italia Sergio Parisse
Máx. Anotador
Máis ensaios
Liga Top 14
Tempada 2015-16
Posición -
Páxina web oficial
Na súa casa
Fóra

O Stade Français Paris é o nome da sección de rugby do club polideportivo parisino Stade Français. Actualmente, xoga na liga profesional francesa: o Top 14.

Historia[editar | editar a fonte]

A sección de rugby do Stade Français (Estadio francés), fundada en 1883, é un dos clubs máis antigos da disciplina en Francia e tamén un dos clubs de rugby profesional máis importantes dese país. O 19 de maio de 1892, o club acadou o seu primeiro título de campión nacional gañando (7-3) ao seu grande rival, tamén parisino, o Racing Club de France. En total o Stade Français gañou 8 veces o campionato entre 1892 e 1908.

O «deporte rei», coma o chamaron en Francia, creceu sobre todo nas rexións do Suroeste de Francia. Os clubs parisinos deixan ver a súa supremacía sobre os clubs desas rexións: O Stade Bordelais UC (Bordeos), o FC Lourdes, o AS Beziers ou o Stade Toulousain. Mais a mediados dos anos '90, cando o club estaba evolucionando á quinta división, o Stade Français viviu unha grande revolución interna.

O seu novo presidente, Max Guazzini, personaxe importante do sector audiovisual francés (antigo presidente do Grupo NRJ), revolucionou o club e o xeito de comunicar dos clubs de rugby: poñendo cheerladers no estadio, música rock e unha camiseta con diseño orixinal. O primeiro gran golpe nos medios foi cando a cantante norteamericana Madonna, amiga de Max Guazzini, ofreceuse a ser a madriña do Stade Français, que daquela xogaba na terceira división.

Outro momento importante foi a fusión que fixo o Stade Français co CASG, outro club de rugby parisino, o que lle permitiu ter un estadio no centro de París. No ano 1998, exactamente noventa anos despois do seu último título, o Stade Français ingresa na máxima división do rugby francés. Os parisinos non se contentan con este ascenso, senón que tamén, e grazas ao seu adestrador Bernard Laporte, lévanse o título o mesmo ano e erguen o famoso Escudo de Brennus gañando a final fronte ao USA Perpiñán no Stade de France.

A rivalidade entre o Stade Toulousain e o Stade Français fíxose entón moi forte. O Stade Français comezou a perturbar o medio conservador do rugby coa súa camiseta semellante á dun superheroe, o seu calendario de xogadores espidos que sae cada ano etc. Os resultados deportivos tamén están presentes, o Stade Français levouse a liga en 2000, 2003 e 2004. Curiosamente nunca conseguiu gañar a Copa de Europa a pesar das súas dúas finais perdidas contra o Leicester RFC de Inglaterra en 2001 e o Stade Toulousain no 2005 no estadio Murrayfield de Edimburgo.

Mais máis aló dos seus títulos, o grande éxito do Stade Français é comercial: frecuentemente o Stade Français enche os grandes estadios da capital francesa: o Parc des Princes (50000 persoas) ou o Stade de France (80000). Aos medios de comunicación galos gústalles falar da última provocación do Stade Français, calendarios ou uniformes rosados. Así, nunha enquisa, os parisinos afirmaron que se identifican máis co club do Stade Français que co Paris Saint-Germain de fútbol.

Christophe Dominici, co uniforme de cor rosada

Xogadores destacados[editar | editar a fonte]

Palmarés[editar | editar a fonte]

Tempada actual[editar | editar a fonte]

Francia Top 14 — Tempada 2017/18
Posto Equipo Puntos Xogados Gañ. Emp. Per. PF PC DP BO BD
Montpellier Hérault (F) 81 26 17 0 9 752 559 +193 11 2
Racing 92 (SF) 80 26 18 0 8 622 478 +144 5 3
Stade Toulousain (CF) 74 26 16 1 9 719 595 +124 4 4
RC Toulon (CF) 73 26 14 0 12 766 507 +259 9 8
Lyon OU (SF) 70 26 15 0 11 689 545 +144 7 3
Castres Olympique (C) 69 26 15 0 11 638 624 +14 4 5
Stade Rochelais 67 26 14 1 11 686 531 +155 6 3
Section Paloise 66 26 15 0 11 590 584 +6 2 4
ASM Clermont Auvergne 54 26 11 1 14 629 687 –59 4 4
10º Union Bordeaux Bègles 48 26 10 1 15 557 623 -66 2 4
11º SU Agen 46 26 10 0 16 537 757 -220 2 4
12º Stade Français 42 26 9 0 17 540 740 -200 2 4
13º Oyonnax Rugby 39 26 7 3 16 566 824 -258 1 4
14º CA Brive 36 26 7 1 18 485 736 -241 1 5
Cada encontro gañado (Gañ.) supón 4 puntos para a clasificación, e cada empate (Emp.) outros 2. Os puntos bonus ofensivos (BO) acádanse cada vez que un equipo anota 3 ensaios ou máis nun encontro, mentres que os puntos bonus defensivos (BD) acádanse cando o equipo perde un encontro por 7 puntos de diferenza ou menos. Estes puntos bonus engádense ós acadados polas vitorias ou empates.

<<<< 2016/17 — Tempadas — 2018/19 >>>>


En verde      os equipos clasificados para as semifinais e para a Copa de Campións Europea de Rugby 2018/19 (1º e 2º).
En azul      os clubs clasificados para os cuartos de final e para a Copa de Campións Europea de Rugby 2018/19 (3º, 4º, 5º e 6º).
En vermello      os clubs que descenden ao Pro D2 (13º e 14º).

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]