South by Southwest

South by Southwest
Tipo	evento periódico, festival de música e festival de cinema
Composto por South by Southwest Film Festival (en) South by Southwest Comedy Festival (en) South by Southwest Music Festival (en) South by Southwest Conference (en)
Data
Fundación	1987
Mes do ano	marzo
Comezo	1987
Localización
Localización	Austin
País	Estados Unidos de América
Contacto
Páxina WEB	sxsw.com
Redes
[ Wikidata ] [ G:Commons ] [ C:Commons ]

O caligrafista G. Hawilla na palestra "Timeless Ink: Evolution of Arabic Calligraphy", marzo de 2025

South by Southwest (abreviado SXSW e coloquialmente dito coma South By) é un festival interdisciplinar de música, cinema, medios interactivos e ciclos de conferencias de ciencia, política, socioloxía e tecnoloxía que se celebra a mediados de marzo na capital de Texas, Austin.

Historia

A súa primeira edición tivo lugar en marzo de 1987 , distribuído por locais, restaurantes e museos da cidade, o que é unha característica do festival a día de hoxe. Os organizadores consideraron que era un evento rexional e esperaban que se presentasen uns 150 asistentes, pero viñeron máis de 700, e segundo Louis Black,co-fundador, "foi nacional case de inmediato". Black, Nick Barbaro e Roland Swenson serían os principais organizadores do festival até o 2010.

O Festival de música SXSW reúne no seu cartel as últimas propostas musicais do ámbito independente xunto a artistas cunha traxectoria contrastada, que abrangue calquera estilo ou xénero, buscando a calidade e apostando fundamentalmente polo pop, o rock e as tendencias máis underground da música electrónica e dance.

Históricos carteis do festival incluíron a Radiohead, The Strokes, R.E.M., The White Stripes, Coldplay, Billie Eilish,Tame Impala ou Hozier - G, buscando a calidade e apostando fundamentalmente pola emerxencia de novas bandas con talento.

O Festival de Cine SXSW inclúe unha conferencia de cine e contou con máis de 15.000 participantes rexistrados de 57 países en 2013. O festival de cine contou con 133 películas e 110 curtametraxes. En total, o festival de cine de 2013 contou con case 75.000 visitantes. O inventario de filmes estreados subíu a 216 en 2025. Nesta sede estreáronse, entre moitos outros, The Fallout,The Art of Self-Defense, Life, etc

SXSW tamén outorga premios en categorías de medios dixitais, que reciben recoñecemento mundial. Entre outras redes sociais, coma un inicial Facebook, Twitter presentouse alí a un público nacional en 2007. No ano récord de 2019, o festival levou un estimado de 356 millóns de dólares á economía local de Austin, fronte aos 347 millóns de dólares que a Super Bowl aportou á economía de Houston.

Véxase tamén

Ligazóns externas

• SXSW Revives Film Competition Digitally After Festival Cancellation (en inglés)