Sound of Metal

Sound of Metal
Ficha técnica
Título orixinal	Sound of Metal
Director	Darius Marder
Produtor	Bill Benz Kathy Benz Bert Hamelinck Sacha Ben Harroche
Guión	Darius Marder Abraham Marder
Intérpretes	Riz Ahmed Olivia Cooke Paul Raci Lauren Ridloff Mathieu Amalric
Música	Abraham Marder Nicolas Becker
Fotografía	Daniël Bouquet
Montaxe	Mikkel E. G. Nielsen
Estudio	Caviar Ward Four Flat 7 Productions
Distribuidora	Amazon Studios
Estrea	Festival de Toronto: 6 de setembro de 2019 20 de novembro de 2020
Duración	120 minutos
Orixe	Estados Unidos
Xénero	Drama
Orzamento	5,4 millóns de dólares
Recadación	516 520 dólares
Na rede
http://protagonistpictures.com/film/sound-of-metal/

Sound of Metal é un filme estadounidense de 2019 dirixido e co-escrito por Darius Marder. Está protagonizado por Riz Ahmed no papel dun batería de que perde o sentido do oído, e tamén conta coas actuacións de Olivia Cooke, Paul Raci, Lauren Ridloff e Mathieu Amalric.

Sound of Metal estreouse internacionalmente no programa Platform Prize do Festival de Toronto o 6 de setembro de 2019. Amazon Studios estreou o filme en cinemas o 20 de novembro de 2020, e en Amazon Prime Video o 4 de decembro. O filme foi aclamado pola crítica, en especial as actuacións de Ahmed e Raci, o deseño de son, a edición, a dirección de Marder e o guión. Na 93ª edición dos Óscar, foi nomeado ó mellor filme, mellor guión orixinal, mellor actor (Ahmed) e mellor actor secundario (Raci), gañando finalmente nas categorías de mellor son e mellor montaxe.

Personaxes

Riz Ahmed interpreta a Ruben Stone

• Riz Ahmed como Ruben Stone, un batería que perde o sentido o oído.
• Olivia Cooke como Louise "Lou" Berger, a moza de Ruben.
• Paul Raci como Joe, un exalcohólico que rexenta un centro de acollida para xordos adictos en recuperación.
• Lauren Ridloff como Diane, a profesora que ensina a Ruben a lingua de sinais americana.
• Mathieu Amalric como Richard Berger, o pai de Lou.
• Michael Tow como o farmacéutico.