Sotenäs
| |||||
| Localización | |||||
|---|---|---|---|---|---|
| |||||
| Estado | Suecia | ||||
| Condado | condado de Västra Götaland  | ||||
| Capital | Kungshamn | ||||
| Poboación | |||||
| Poboación | 9.063 (2025) (13,24 hab./km²) | ||||
| Xeografía | |||||
| Parte de | |||||
| Superficie | 684,58 km² | ||||
| Comparte fronteira con | |||||
| Datos históricos | |||||
| Precedido por | |||||
| Creación | 1 de xaneiro de 1974 | ||||
| Organización política | |||||
| • Alcalde | Rolf Mattson (1995–2006) Mats Abrahamsson (2007–2022) Therése Mancini (2023–) | ||||
| Sitio web | sotenas.se | ||||
    | |||||
Sotenäs é un concello sueco no condado de Västra Götaland, anteriormente no desaparecido condado de Gotemburgo e Bohus. A súa capital é a localidade de Kungshamn. En decembro do ano 2024 o concello tiña unha poboación de 9 104 habitantes.[1]
O concello está formado por unha paisaxe de val de fractura nunha meseta cuxo leito rochoso está dominado polo granito de Bohus. O granito de Bohus foi durante moito tempo unha parte importante da actividade económica local, que a principios da década de 2020 estaba baseada na pesca, a industria da pedra e o turismo.
Historia administrativa
[editar | editar a fonte]A área do concello correspóndese coa das parroquias de Askum, Kungshamn, Malmön e Tossene, todas elas no härad de Sotenäs. Nesa parroquias fundáronse coa reformamunicipal de 1862 concellos rurais co mesmo nome, pero onde o de Kungshamn tamén era coñecido como concello rural de Gravarne. O concello rural de Malmön fundouse realmente en 1909 a través dunha excisión do de Askum. En 1924 creouse o concello de Smögen tras unha excisión do municipio de Kungshamn.
Na zona existían varias localidades municipais:
- Gravarne och Bäckevik, establecida o 14 de setembro de 1894 e disolta a finais de 1959.
- Hasselösund, establecida o 14 de setembro de 1894 e disolta a finais de 1953.
- Smögen, establecida o 14 de setembro de 1894 e disolta a finais de 1953.
- Tången, establecida o 14 de setembro de 1894 e disolta a finais de 1959.
- Malmön, establecida o 20 de abril de 1900 e disolta a finais de 1959.
- Hovenäset, establecida o 28 de febreiro de 1902 e disolta a finais de 1953.
- Hunnebostrand, establecida o 6 de febreiro de 1903 e disolta a finais de 1960.
- Bovallstrand, establecida o 27 de novembro de 1903 e disolta a finais de 1959.
- Väjern, establecida o 22 de decembro de 1905 e disolta a finais de 1959.
- Ulebergshamn, establecida o 29 de outubro de 1926 e disolta a finais de 1959.
Coa reforma municipal de 1952 creouse o municipio rural de Södra Sotenäs (a partir dos concellos rurais de Askum, Malmöns e Kungshamn), mentres que os de Smögen e Tossene permaneceron sen cambios.
Coa refoemamunicipal de 1971 fundáronse os concellos de Smögen, Södra Sotenäs e Tossene a través da transformación dos concellos rurais correspondentes. O actual municipio de Sotenäs naceu en 1974 pola unión deses tres concellos.[2]
Xeografía
[editar | editar a fonte]O concello de Sotenäs está situado na parte central da provincia histórica de Bohuslän co Skagerrak ao oeste.
Xeograficamente o concello forma unha península que ao sur e ao oeste limita co Skagerrak, ao norte coa baía de Bottnafjorden e ao leste coa de Åbyfjorden. Sotenäs fai fronteira ao norte co municipio de Tanum, ao leste co de Munkedal, e ao sueste co de Lysekil.
Notas
[editar | editar a fonte]- ↑ "Folkmängd och befolkningsförändringar - Kvartal 4, 2024". Statistikmyndigheten SCB (en sueco). Consultado o 2025-03-04.
- ↑ Andersson, Per (1993). Sveriges kommunindelning 1863-1993. Mjölby: Draking. ISBN 978-91-87784-05-7.
