Sophie's Choice (filme)

Sophie's Choice
Ficha técnica
Título orixinal	Sophie's Choice
Director	Alan J. Pakula
Produtor	Alan J. Pakula; Keith Barish; William C. Gerrity; Martin Starger
Guión	Alan J. Pakula
Baseado en	Sophie's Choice de William Styron
Intérpretes	Meryl Streep; Kevin Kline; Peter MacNicol;
Música	Marvin Hamlisch
Fotografía	Néstor Almendros
Montaxe	Evan A. Lottman
Estudio	ITC Entertainment; Keith Barish Productions
Distribuidora	Universal Pictures; Associated Film Distribution
Estrea	8 de decembro de 1982
Duración	151 minutos
Orixe	Reino Unido; Estados Unidos
Xénero	Drama
Orzamento	9 millóns de dólares
Recadación	30 millóns de dólares
Na rede

Sophie's Choice é un filme británico-estadounidense de 1982 dirixido e escrito por Alan J. Pakula. É unha adaptación da novela de 1979 Sophie's Choice escrita por William Styron. Está protagonizado por Meryl Streep como Zofia "Sophie" Zawistowski, unha inmigrante polaca nos Estados Unidos cun escuro segredo do pasado que comparte casa en Brooklyn co seu treboento amante Nathan (Kevin Kline no seu primeiro papel), e co escritor Stingo (Peter MacNicol). Rita Karin, Stephen D. Newman e Josh Mostel tamén forman parte do elenco.

Sophie's Choice estreouse nos Ánxeles o 8 de decembro de 1982 e nos cinemas dos Estados Unidos o 10 de decembro por Universal Pictures. Recibiu valoracións xeralmente positivas da crítica e recadou 30 millóns de dólares. A actuación de Streep foi eloxiada case por unanimidade. O filme recibiu cinco nomeamentos na 55ª edición dos Óscar, ao mellor guión adaptado, mellor fotografía, mellor deseño de vestiario e mellor banda sonora orixinal, con Streep gañando o premio á mellor actriz.