O Som kirguiz (en kirguiz: сом) é a moeda de curso legal en Kirguizistán. O seu código ISO 4217 é KGS. O som divídese en 1000 tyiyn (тыйын). O som instroduciuse por primeira vez o 10 de maio de 1993, sustituíndo ao rublo soviético cunha taxa de cambio de 1 KGS = 200 RUB.
Na Unión Soviética, os falantes das linguas kazako, kirguiz e uzbeko chamaban ao rublo som, nome que aparecía impreso no reverso dos billetes xunto ás outras 15 linguas oficiais do Estado. A palabra som (ás veces transcrita como "sum" o "soum") significa "pureza" (facendo referencia ao "ouro puro") na meirande parte das linguas túrquicas.
En 1993 o novo goberno emitiu billedes de 1, 10 e 50 tyiyn, e o Banco de Kirguizistán emitiu billetes de 1, 5 e 20 som. En 1994, o Banco Central emitiu unha segunda serie de billetes en denominacións de 1, 5, 10, 20, 50 e 100 som. En 1997, emitiuse unha nova serie coas mesmas denominacións de 1994, e engadía os billetes de 200, 500 e 1.000 som. O último billete emitido foi o de 5.000 som en 2009.
