Sofá

Na Galipedia, a Wikipedia en galego.
Saltar ata a navegación Saltar á procura
Sofá vermello de dúas prazas, sen funda.

Un sofá é un moble utilizado para sentarse confortablemente unha ou máis persoas.[1]

Atópanse xeralmente no salón. Un sofá clásico consta dunha estrutura de madeira forrada de tea e acolchada nalgunhas zonas (por exemplo, nos apoiabrazos). A iso engádense coxíns de diversos recheos que conforman o asento e o respaldo. Os sofás comercialízanse nunha gran variedade de tecidos e en coiro así como en moi diversos deseños.

Algúns ábrense para formar unha cama como é o caso do sofá cama.

Historia[editar | editar a fonte]

Sofá no Palacio de Versalles, Francia.

O sofá era orixinalmente o trono dos árabes e exipcios e a súa existencia está constatada xa na antigüidade.[2]

Sofá do século XIX

O sofá era orixinalmente un moble da elite e non foi até a época da industrialización en que o sofá se converteu nun artigo imprescindible dos mobles nas casas de clase media e baixa. Ao longo da súa historia foi a miúdo obxecto de polémica, considerándoo unha gran variedade de cousas desde decadente até conformista.[2]

O sofá lígase hoxe á vida familiar doméstica e ao sedentarismo. Colócase a miúdo enfronte da televisión no cuarto de estar, e utilízase tamén para durmir a sesta. O sofá tamén se converteu no apoio central para moitas comedias de televisión. Esta simbiose, coa cal o sofá pasou do privado á esfera pública, representouse satiricamente na cultura popular, en series de televisión talles como Friends, The Big Bang Theory, Married... with Children, The Simpsons e Beavis and Butt-Head.

Compoñentes[editar | editar a fonte]

O sofá adoita estar composto de:[3]

  • Armazón de madeira, xeralmente de piñeiro, aglomerado...
  • Asentos: de cincha de nea, gomaespuma...
  • Respaldos e brazos: de gomaespuma picada.

Fundas[editar | editar a fonte]

Hai tendas especializadas en fundas para sofá, incluíndo tamén tapiceiros.

As fundas para sofá adoitan ser axustables ou elásticas e con medidas estándar (a medida máis importante é o longo, incluíndo os reposabrazos), cubrindo tamén a parte de atrás do sofá.[4]

Notas[editar | editar a fonte]

  1. "Definición de "sofá"". Real Academia Galega. Consultado o 28 de xuño do 2020. 
  2. 2,0 2,1 "La historia del sofá". Decoblog (en castelán). Consultado o 28 de xuño de 2020. 
  3. "¿Cómo es un sofá por dentro?". Dismobel (en castelán). Consultado o 28 de xuño de 2020. 
  4. "Lo que necesitas saber sobre las fundas de sofá". Madridiario (en castelán). Consultado o 28 de xuño de 2020. 

Véxase tamén[editar | editar a fonte]