Sobre os males que provoca o tabaco

Sobre os males que provoca o tabaco
	Portada da edición de 1831.
Título orixinal	О вреде табакаr
Autor/a	Anton Chekhov
Orixe	Rusia
Lingua	Ruso
Colección	Biblioteca Galega de Clásicos Universais
Xénero(s)	Novela
Editorial	Peterburgskaya Gazeta; Sotelo Blanco
Data de pub.	1886; 1991
Páxinas	66 (gl)
ISBN	ISBN 84-7824-098-5
Tradución	Francisco Pillado Mayor
	[ editar datos en Wikidata ]

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Sobre os males que provoca o tabaco^[1] (en ruso: О вреде табака; romanizado como O vredye tabaka) é unha obra dun só acto de Anton Chekhov. Ten un único personaxe, Ivan Ivanovich Nyukhin. Foi publicada por vez primeira en 1886, mais foi revisada por Chekhov e a versión máis coñecida é a de 1902.

Foi traducida ó galego por Francisco Pillado Mayor e foi publicada pola editorial Sotelo Blanco no ano 1991.^[1] No ano 2005, foi publicado de novo cunha tradución de Pillado Mayor dentro da colección Biblioteca Galega de Clásicos Universais.^[2]

Argumento[editar | editar a fonte]

A acción ten lugar nunha pequena vila. A esposa de Nyukhin dille que dea unha conferencia sobre "os efectos nocivos do tabaco", aínda que el é fumador. Pola súa banda, el salienta que será unha conferencia seca e aburrida, mais sempre pospón o tema real ó falar sobre os seus problemas coa súa dominante esposa.

Nyukhin quere enfrontarse á súa esposa, quere fuxir, esquecer e estar só. Quita o chaleco vello e en mal estado (unha metáfora de si mesmo). Ó final do monólogo, Nyukhin apenas dixo nada relevante sobre os efectos nocivos do tabaco, pero pídelle á audiencia que non o traizoen.