Smoke City foi un grupo musical inglés que mesturaba acid jazz e trip hop, alén de ritmos brasileiros como a samba e a bossa nova. É coñecido polo sinxelo "Underwater Love", que foi un grande éxito en 1997, despois de que fose empregado no anuncio de televisión de Levi's "Mermaids" (dirixido por Michel Gondry).
En 1997, o grupo lanzou o seu primeiro álbum de estudio, Flying Away, que incluía os éxitos "Underwater Love", "Mr. Gorgeous (e Miss Curvaceous)" e "Águas de Março (Joga Bossa Mix)". O seu seguinte e derradeiro álbum, Heroes of Nature, lanzouse no 2001.
