Slavomir Miklovš

Na Galipedia, a Wikipedia en galego.
Saltar ata a navegación Saltar á procura
Slavomir Miklovš
Bispo da Igrexa católica bizantina en Croacia, Serbia e Montenegro
Biografía
Nacemento16 de maio de 1934 en Đurđevo, Serbia
Pasamento21 de xullo de 2011
Ordes
Ordenación sacerdotal7 de xullo de 1964
Consagración episcopal25 de marzo de 1983, por Miroslav Marusyn
Bispo de Križevci
1983 - 2009
PredecesorGabriel Bukatko
SucesorNikola Nino Kekić
Outros
Ficha en catholic-hierarchy.org

Slavomir Miklovš, nado o 16 de maio de 1934 en Đurđevo (hoxe Serbia) e finado o 21 de xullo de 2011 en Novi Sad, foi un eclesiástico da Igrexa católica bizantina en Croacia, Serbia e Montenegro, bispo de Križevci entre 1983 e 2009.

Traxectoria[editar | editar a fonte]

Slavomir Miklovš naceu en Đurđevo o 16 de maio de 1934, o oitavo fillo dunha familia de orixe rutena formada por Simeon e Verona (de apelido de solteira Gnip).[1][2] Estudou a secundaria en Rijeka e Pazin, e posteriormente Teoloxía na Universidade de Zagreb.[3][1] O 7 de xullo de 1964 foi ordenado sacerdote[2] da eparquía de Križevci en Đurđevo. Logo de ser ordenado, traballou como capelán de Ruski Krstur entre 1964 e 1968 e párroco entre 1968 e 1969 en Vukovar.[1]

O 22 de xaneiro de 1983 foi nomeado bispo de Križevci.[2] Recibiu a consagración episcopal o 25 de marzo de 1983 de mans do arcebispo Miroslav Marusyn, secretario da Congregación para as Igrexas Orientais, e tivo como co-consagrantes a Joakim Segedi e a Joakim Herbut.[2][4]

O 25 de maio de 2009 o papa Bieito XVI aceptou a renuncia por idade de Miklovš.[5] Xa retirado, o 14 de xuño consagrou bispo a Cyril Vasiľ na basílica de Santa María a Maior de Roma.[6]

Finou o 21 de xullo de 2011 en Novi Sad.[3]

Premios e distincións[editar | editar a fonte]

O 21 de agosto de 2007 o presidente ucraíno Viktor Yushchenko condecorou a Miklovš coa Orde ao Mérito, terceira clase, por «contribuír de xeito significativo ao fornecemento da autoridade de Ucraína no mundo, a divulgación dos logros históricos e contemporáneos, e con motivo do decimosexto aniversario da independencia de Ucraína».[7]

Notas[editar | editar a fonte]

  1. 1,0 1,1 1,2 Katolička Tiskovna Agencija (26 de xullo de 2011). Biskupske konferencije Bosne i Hercegovine, ed. "Pokopan križevački biskup Slavomir Miklovš". Consultado o 16/11/2018. 
  2. 2,0 2,1 2,2 2,3 Libreria Editrice Vaticana, ed. (2006). Annuario pontificio. p. 378. 
  3. 3,0 3,1 Katolička Tiskovna Agencija (21 de xullo de 2011). Biskupske konferencije Bosne i Hercegovine, ed. "Preminuo biskup Slavomir Miklovš". Consultado o 1/10/2014. 
  4. "Miklovs to become bishop in Ruski Krstur ceremonies". The Ukrainian Weekly (en inglés) LI (11): 3. 13 de marzo de 1983. The laying-on of hands will be conducted by the Secretary of the Congregation for Eastern Churches, Archbishop Myroslav Marusyn; Auxiliary Bishop Joakim Segedi, the administrator of the Krizevci eparchy; and the apostolic visitator for Catholics of the Byzantine Rite in Macedonia, Bishop Joakim Herbut; at the church in Ruski Krstur where the bishop-elect's predecessors, [...], are buried. 
  5. Bogarín Díaz, Jorge (2011). "Actualidad jurídica de la Iglesia católica: el ordenamiento canónico al término de 2009". En Otaduy Guerín, Jorge. Derecho Canónico en tiempos de cambio: Actas de las XXX Jornadas de Actualidad Canónica, celebradas del 7 al 9 de abril de 2010, en la Universidad Pontificia Comillas, Madrid. Librería-Editorial Dykinson. p. 243. ISBN 9788499827506. 
  6. "Zomrel vladyka Slavomír Miklovš". Gréckokatolícka eparchia Bratislava (en eslovaco). 22 de xullo de 2011. 14. júna 2009 bol hlavným svätiteľom terajšieho arcibiskupa a sekretára Kongregácie pre východné cirkvi Mons. Cyrila Vasiľa, SJ v Bazilike Santa Maria Maggiore v Ríme. 
  7. "УКАЗ ПРЕЗИДЕНТА УКРАЇНИ "ПРО ВІДЗНАЧЕННЯ ДЕРЖАВНИМИ НАГОРОДАМИ УКРАЇНИ ГРОМАДЯН ІНОЗЕМНИХ ДЕРЖАВ"". Ukrinform.ua (en ucraíno). 22 de agosto de 2007. Arquivado dende o orixinal o 17/11/2018. Consultado o 17/11/2018. За вагомий особистий внесок у зміцнення авторитету України у світі, популяризацію її історичних і сучасних надбань та з нагоди 16-ї річниці незалежності України постановляю [...] МІКЛОВША Славомира - голову Ординаріату Крижевецької єпархії Греко-католицької церкви, громадянина Республіки Хорватія. 


Dignidades da Igrexa católica
Predecesor:
Gabriel Bukatko
 Bispo de Križevci 
1983 - 2009
Sucesor:
Nikola Kekić