Sitta cinnamoventris

Sitta cinnamoventris é unha especie de ave paseriforme da familia Sittidae nativa do subcontinente indio, concretamente de Bután, a India, Nepal e o Tíbet.

Descrición e hábitat

Espécime macho en Uttarakhand.

O seu hábitat natural son os bosques secos tropicais ou subtropicais, bosques húmidos de terras baixas tropicais ou subtropicais, e bosques de montaña húmidos tropicais ou subtropicais.

Esta especie foi dividida por Rasmussen e Anderton (2005) nas especies S. castanea e S. neglecta.

S. cinnamoventris é un gabeador moi similar aos anteriores pero cun peteiro máis pesado, o píleo e o ventre teñen os mesmos tons. As marcas das ás e da cola contrastan co prateado das puntas das plumas primarias, as cobertoiras inferiores son anegradas e a cola ten grandes manchas brancas baixo ela. A cor branca das cobertoiras do oído non se estende ata o queixo, ao contrario que nas anteriores. A raza almorae do Nepal e S. himalayensis teñen partes inferiores máis claras; a femia da raza koelzi do Himalaia oriental é máis escura que a doutras razas. Vive nos montes Murree nos límites do Uttaranchal, esténdese ata oval de Assam, e Arunachal Pradesh nos outeiros de Lushai.

Taxonomía

Segundo o Congreso Ornitolóxico Internacional e Alan P. Peterson, existen catro subespecies:

• S. c. almorae Kinnear e Whistler, 1930, nas altitudes baixas e oeste do centro do Himalaia;
• S. c. cinnamoventris Blyth, 1842, nas altitudes máis baixas da cordilleira do Himalaia oriental ata o sur da China e o nordeste de Birmania;
• S. c. koelzi Vaurie, 1950, no nordeste da India e o oeste de Birmania; e,
• S. c. tonkinensis Kinnear, 1936, no sur da China e norte de Indochina.

Véxase tamén

Ligazóns externas

• Sitta cinnamoventris e a súa distribución en Avibase.
• Sitta cinnamoventris Blyth, 1842 Arquivado 16 de decembro de 2017 en Wayback Machine. en Catalogue of Life (en inglés).