Sito Miñanco

Na Galipedia, a Wikipedia en galego.
Saltar ata a navegación Saltar á procura
Sito Miñanco
Nome completoJosé Ramón Prado Bugallo
Nacemento23 de setembro de 1955
 Cambados
NacionalidadeEspaña
Ocupacióncontrabandista e narcotraficante
editar datos en Wikidata ]

José Ramón Prado Bugallo, máis coñecido como Sito Miñanco, nado en San Tomé do Mar (Cambados) o 23 de setembro de 1955, é un empresario e, no seu momento, contrabandista galego.

Traxectoria[editar | editar a fonte]

Pertence a unha familia de mariñeiros de Cambados, de orixe humilde, coñecida coma os Miñancos. Iniciouse no contrabando de tabaco da man de Vicente Otero Pérez "Terito", e despois asociouse con Ramiro Martínez Señoráns e Olegario Falcón Piñeiro, formando a sociedade ROS[1]. En 1983 estivo 6 meses na prisión da Parda (Pontevedra) e outros dous en Carabanchel (Madrid), onde estableceu contacto co colombiano Fabio Ochoa.

En 1986 accedeu á presidencia do Juventud Cambados, o equipo de fútbol local, que daquela xogaba en Preferente, e en tres anos conseguiu que ascendese a Segunda División B. Deixou a presidencia do club precisamente logo de conseguir o ascenso, en 1989.

Quedou á marxe da operación Nécora, e en 1994 foi detido en Pozuelo de Alarcón por introducir en España 2,5 toneladas de cocaína en 1990. Foi condenado pola Audiencia Nacional a 20 anos de prisión por tráfico de drogas, evasión de divisas e falsidade de documentos. O 8 de xullo de 1997 foi detido en Vigo, preto do Estadio de Balaídos, polo desembarco de 6 toneladas de haxix. De novo foi detido en Madrid o 16 de agosto de 2001[2] logo do apresamento dun alixo de 5 toneladas de cocaína en mar a fóra, preto da Güiana Francesa. Nese momento estaba en liberdade condicional logo de cumprir 7 dos 20 anos aos que fora condenado.

En febreiro de 2010 foi trasladado á prisión de Huelva. Foi detido de novo o 5 de febreiro de 2018 en Alxeciras, nunha intervención desenvolvida en varias localidades.[3][4] A finais dese mesmo mes foi levado ao centro penitenciario da Lama para a vista oral nun xuízo por branqueo de capitais na Audiencia Provincial de Pontevedra, e declarouse en folga de fame[5].

Vida persoal[editar | editar a fonte]

Prado Bugallo tivo dúas fillas do seu primeiro matrimonio. Tras a separación, casou coa panameña Odalys Rivera, sobriña dun ministro do goberno do xeneral Noriega[6], con quen tivo outra filla.

Notas[editar | editar a fonte]

  1. Leiro Conde, B.: Un lugar tranquilo. Ed. Nigra, 1993.
  2. "Sito Miñanco outra vez detido", artigo en Vieiros, 16 de agosto de 2001
  3. Águeda, Pedro (5 de febreiro de 2018). "Detido o narco Sito Miñanco por tráfico de drogas e branqueo a dez días de volver ser xulgado". Praza Pública. Consultado o 5 de febreiro de 2018. 
  4. "Detenido Sito Miñanco en una gran operación antidroga". El País (en castelán). 28/2/2018. 
  5. "Sito Miñanco, en folga de fame na prisión da Lama", artigo en Pontevedra Viva, 28 de febreiro de 2018.
  6. "De mariscador furtivo a narcotraficante", artigo en El País, 16 de agosto de 2001 (en castelán).

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]