Sirimavo Bandaranaike

Na Galipedia, a Wikipedia en galego.
Saltar ata a navegación Saltar á procura
Sirimavo Bandaranaike
Sirimavo Ratwatte Dias Bandaranayaka (1916-2000) (Hon.Sirimavo Bandaranaike with Hon.Lalith Athulathmudali Crop).jpg
Nacemento17 de abril de 1916
 Balangoda
Falecemento10 de outubro de 2000
 Colombo
Causainfarto agudo de miocardio
NacionalidadeSri Lanka
EtniaCingaleses
RelixiónTheravada
Alma máterSt Bridget's Convent, Colombo
Ocupaciónpolítica e diplomática
CónxuxeS. W. R. D. Bandaranaike
FillosAnura Bandaranaike e Chandrika Kumaratunga
editar datos en Wikidata ]

Sirima Ratwatte Dias Bandaranaike (en cingalés: සිරිමා රත්වත්තේ ඩයස් බණ්ඩාරනායක, en támil: சிறிமா ரத்வத்தே டயஸ் பண்டாரநாயக்கே), nada en Colombo o 17 de abril de 1916 e finada na mesma cidade o 10 de outubro de 2000, foi unha política cingalesa coñecida comunmente como Sirimavo Bandaranaike.[1][2] Foi a primeira muller en acadar a xefatura do goberno de forma non hereditaria na historia moderna, ao ser elixida primeira ministra de Sri Lanka en 1960. Ocupou o cargo en tres períodos, 1960–1965, 1970–1977 e 1994–2000.

Traxectoria[editar | editar a fonte]

Bandaranaike naceu nunha familia Kandyan aristocrática e foi educada en escolas inglesas católicas, aínda que continuou a ser budista Theravada e falaba cingalés ademais de inglés. Tras graduarse da secundaria, traballou en varios programas sociais. Como axudante do seu marido, S. W. R. D. Bandaranaike, político que chegou a ser primeiro ministro, gañou a súa confianza como conselleira informal. A súa obra social centrouse na mellora da vida das mulleres e as nenas en zonas rurais de Sri Lanka. Tralo asasinato do seu marido en 1959, Sirimavo Bandaranaike entrou oficialmente en política e en 1960 converteuse na primeira muller elixida primeira ministra dun país. Ademais, foi líder do partido político Freedom Party durante catro décadas.

Bandaranaike intentou transformar a antiga colonia británica de Ceilán nunha república socialista, para o que nacionalizou organizacións bancarias, educativas, industriais, medios de comunicación e institucións do sector do comercio. Co cambio da lingua administrativa do inglés ao cingalés, aumentou o descontento entre a poboación támil. Durante os dous primeiros períodos de Bandaranaike como primeira ministra, o país sufriu unha alta inflación, así como dependencia das importacións de alimentos, alto desemprego e polarización entre as poboacións cingalesas e támiles por consecuencia das súas políticas nacionalistas cingalesas.

Bandaranaike foi a nai de Chandrika Kumaratunga, tamén líder do partido previamente liderado polos seus pais e quen tamén foi presidenta e primeira ministra de Sri Lanka. Durante o último período de Bandaranaike como primeira ministra, a súa filla ocupaba o cargo de presidenta; en virtude de que a constitución cambiara dende a última vez que fora primeira ministra, agora estaba subordinada á súa filla.

Bandaranaike faleceu sendo primeira ministra, tras ir votar o día das eleccións nacionais.

Notas[editar | editar a fonte]

  1. O sufixo "vo" denota respecto. Tamén foi chamada Mrs Bandaranaike, Mrs B ou Mathini.
  2. Rettie 2000.

Véxase tamén[editar | editar a fonte]

Bibliografía[editar | editar a fonte]

  • C. A. Gunarwardena, « Sirima(vo) Dias Bandaranaike », in Encyclopedia of Sri Lanka, New Dawn Press, New Delhi, 2006 2ª ed. p. 39-40 ISBN 978-1932705485
  • Maureen Seneviratne, Sirimavo Bandaranaike, the World's First Woman Prime Minister: a Biography, Hansa Publishers asociada con Laklooms, Colombo, 1975, 209 p.
  • Rettie, John (24 de maio de 1993). "New ruler eases Sri Lanka tension". The Guardian (Londres, Inglaterra). p. 8. Consultado o 6 de novembro de 2018 – vía Newspapers.com. 

Ligazóns externas[editar | editar a fonte]