Simone Simon

Na Galipedia, a Wikipedia en galego.
Saltar ata a navegación Saltar á procura
Simone Simon
Simone Simon.JPG
Nome completoSimonne Thérèse Fernande Simon
Nacemento23 de abril de 1910
 Marsella
Falecemento22 de febreiro de 2005
 París
NacionalidadeFrancia
Ocupaciónactriz de teatro e actriz de cinema
editar datos en Wikidata ]

Simone Thérèse Fernande Simon, nada en Béthune (Marsella) o 23 de abril de 1910 e finada en París o 22 de febreiro de 2005, foi unha actriz francesa.

Traxectoria[editar | editar a fonte]

Simone Simon naceu en Marsella,[1] filla de Henri Louis Firmin Champmoynat, un enxeñeiro xudeu francés, piloto na segunda guerra mundial, morto nun campo de concentración, e de Erma Maria Domenica Giorcelli, unha ama de casa italiana. Antes de establecerse definitivamente en Marsella, Simon viviu en Madagascar, Budapest, Turín e Berlín.[2] En 1931, con 20 anos de idade, marchou a París onde traballou por algún tempo como cantante, modelo e deseñadora de moda. Nun momento tamén se propuxo ser escultora.[3]

Simon fixo o seu debut en pantalla en 1931 con Le chanteur inconnu[4] e en 1934 atraeu a atención de todos os espectadores coa súa actuación en Lac aux dames do director Marc Allégret.[3][4] En entrevistas posteriores, Simon expresou a súa gratitude cara á Allégret, sentindo que era responsable do seu éxito.[3]

O seu especial magnetismo ante a pantalla abriulle as portas de Hollywood e conseguiu un contrato na Fox. Dese xeito converteuse nunha das pioneiras do cinema europeo en Hollywood.[5] Alí traballou ás ordes de Irving Cummings, Henry King, Allan Dwan ou William Dieterle. Durante ese breve período actuou en varios filmes como o remake do clásico do cinema mudo Seventh Heaven (Henry King, 1927) ou Ladies in Love (Marie Armand, 1936). Ante o éxito moderado destes filmes regresou de novo a Francia en 1938 da man de Jean Renoir para traballar no papel da perversa Séverine Roubaud en A besta humana baseado no clásico do mesmo nome de Zola.

Ao estalar a guerra, e trala ocupación alemá, regresou de novo a Hollywood para traballar, esta vez nos Estudos RKO. Aquí logrou un dos seus maiores éxitos con The Devil and Daniel Webster (1941) de William Dieterle. A súa interpretación chamou a atención do produtor Val Lewton, quen lle ofreceu interpretar a Irena Dubrona en Cat People (1942), un clásico do cinema fantástico dirixido por Jacques Tourneur. Simon nunca chegou a admitir que esta fose o seu mellor filme, pois consideraba que se daba á cámara un maior protagonismo que aos actores.[6] A partir de entón seguiron títulos de menor éxito como The Curse of the Cat People (1944), Mademoiselle Fifi (Robert Wise, 1944) ou Petrus (Marc Allègret, 1946), este último xa en Europa finalizada a guerra. Volveu acadar o éxito con dous filmes de Max Ophüls, La ronde (1950) e Le Plaisir (1952).

A partir de entón, as súas actuacións no cinema foron mínimas. En 1973 interpretou o seu último traballo en La femme en bleu, unha comedia de Michel Deville.

Vida persoal[editar | editar a fonte]

Simon permaneceu sempre solteira. A súa camareira revelou que ela adoitaba dar a chave da súa casa a calquera home polo que ela se interesaba, entre eles George Gershwin. Na década de 1950, estivo envolta nunha relación co banqueiro francés Alec Weisweiller, que foi un dos patrocinadores de Jean Cocteau. Durante a segunda guerra mundial mantivo unha relación co axente dobre Duško Popov, que tiña como nome en clave "Tricycle".[7]

Morreu en París por causas naturais á idade de 94 anos. A BBC[8] informou por erro que a súa idade era 93, ao anotar mal o ano do seu nacemento (1911). Uns días máis tarde, o ministro francés de cultura Renaud Donnedieu de Vabres emitiu unha declaración en que eloxiaba a Simon falando do seu "engado, o seu irresistible sorriso... Con Simone Simon, perdemos unha das máis sedutoras e máis brillantes estrelas do cinema francés da primeira metade do século XX".[9]

Filmografía[editar | editar a fonte]

Filme
Ano Título Personaxe Notas
1931 Durand Versus Durand Eliane
1931 Mam'zelle Nitouche Sen acreditar
1931 Le chanteur inconnu Pierette
1931 On opère sans douleur
1932 La petite chocolatière Julie
1932 Un fils d'Amérique Maryse
1932 Le roi des palaces Victoire
1932 Pour vivre heureux Jacqueline
1933 Tire au flanc Lily
1933 Prenez garde à la peinture Amélie Gadarin
1933 The Star of Valencia Rita
1933 Le Voleur
1934 Lake of Ladies Puck
1935 Les yeux noirs Tania
1935 Les beaux jours Sylvie
1936 Girls' Dormitory Marie Claudel
1936 Ladies in Love Marie Armand
1937 Seventh Heaven Diane
1937 Love and Hisses Yvett Guerin
1938 Josette Renee LeBlanc
1938 La Bête Humaine Séverine Roubaud
1940 Cavalcade d'amour Juliette
1941 The Devil and Daniel Webster Belle
1942 Cat People Irena Dubrovna Reed
1943 Tahiti Honey Suzette 'Susie" Durand
1944 The Curse of the Cat People Irena Reed
1944 Johnny Doesn't Live Here Any More Kathie Aumont
1944 Mademoiselle Fifi Elizabeth Bousset – A Little Laundress
1946 Pétrus Migo
1947 Temptation Harbour Camelia
1950 Donne senza nome Yvonne Dubois
1950 La Ronde Marie, the housemaid
1951 Olivia Mlle. Cara
1952 Le Plaisir Joséphine – le modèle Episodio "Le Modèle")
1954 The Three Thieves Doris Ornano
1954 Das zweite Leben Françoise Dunoyer
1956 The Extra Day Michele Blanchard
1973 La femme en bleu La dame de Meudon

Notas[editar | editar a fonte]

  1. Soares, Andre (24 de febreiro de 2005). "Simone Simon (Biography)". Alternative Film Guide. 
  2. "The Strange New Star in Hollywood's Heaven" by Eleanor Packer, The Salt Lake Tribune, 20 de setembro de 1936, páx. 7
  3. 3,0 3,1 3,2 "Pouting Lady From France" by Wood Soanes, Oakland Tribune, 29 de novembro de 1936
  4. 4,0 4,1 "Tender Little Savage: France's Favorite Descends upon the Hollywood Scene" by Jacques Lory, Oakland Tribune, 29 de decembro de 1935, páx. 3
  5. SÁNCHEZ, Juan Luis (2005). "La mujer felina". Consultado o 22 de maio de 2008. 
  6. MARTÍ, Octavi (2005). "Simone simon, la mujer pantera". Consultado o 22 de maio de 2008. 
  7. WORLD, CNN.com (2002). "UK exposes secret agent's sex life". Consultado o 26 de maio de 2008. 
  8. BBC, News (2005). "French actress Simone Simon dies". Consultado o 29 de decembro de 2008. 
  9. DONNEDIEU DE VABRES, Renaud (2005). "Renaud Donnedieu de Vabres rend hommage à Simone Simon". Consultado o 26 de maio de 2008. 

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]