Siefredus de Northumbria
_obverse.jpg)  | |
| Biografía | |
|---|---|
| Nacemento | Segunda metade século IX |
| Morte | Despois de 900 |
King of Northumbria (en)  | |
| 895 (Gregoriano) – 900 (Gregoriano) ← Guthred – Cnut de Northumbria → | |
| Monarca | |
| | |
Siefredus (tamén escrito Sichfrith), foi rei da Northumbria conquistada polos viquingos, chamada Jórvik, desde o 895 ata o 900, datas deducidas polas moedas atopadas. Algúns autores identifícano cun pretendente ao trono de Irlanda do mesmo nome.
Moedas atopadas[editar | editar a fonte]
En 1840 coñeceuse un grupo de máis de 8.000 moedas, o chamado tesouro de Cuerdale (Lancashire). Parte deste tesouro eran moedas de prata que levaban a inscrición en latín SIEFREDUS REX, un rei do que non tiña oído falar antes[1][2]. O nome doutro rei, que si que era coñecido, Cnut, apareceu noutras moedas do mesmo tesouro. A secuencia das moedas indicaba que Cnut gobernara despois de Siefredus, aproximadamente entre o 900 e o 905. Isto suxire que Siefredus sería o sucesor de Guthred, e que o seu reinado podería ser datado entre o 895 e o 900. Os nomes de Cnut e Siefredus están xuntos nalgunhas moedas, quizais para indicar que gobernaron conxuntamente por un tempo[3].
Identificación[editar | editar a fonte]
O historiador Alfred Smyth e outros propuxeron que Siefredus podería ser a mesma persoa que foi á fronte dunha frota de viquingos para conquistar Wessex en 893. Tamén se suxeriu que podería ser o mesmo Sichfrith que aquel mesmo ano reclamou o trono de Dublín[3]. Aínda que non hai ningunha forma de saber se este é o mesmo Sichfrith mencionado nos Anais do Ulster, é plausíbel, e é moi probábel que teña habido contacto entre o reino viquingo de Northumbria e de Dublín neste período[4]. Presentáronse dúas teorías que compiten para explicar as orixes do Siefredus. Smyth propuxo que Siefredus fose un northumbriano que zarpou cara a Dublín despois de que a súa frota desembarcase un exército no territorio de Wessex. Segundo esta teoría Siefredus fracasou ao tomar a cidade por mor de desavinzas entre os viquingos de Dublín, revolta que consta nos Anais do Ulster[5]. Angus, por outra banda, propón que Siefredus era de Dublín e que marchou cara a illa de Gran Bretaña cando fracasou no intento de acadar o trono[6]. A explicación de Smyth é considerada a máis probábel xa que na Crónica de Æthelweard se dá a entender que Sichfrith era northumbriano[4]. Unha terceira explicación é a proposta por Cannon e Hargreaves, segundo a cal Siefredus e Cnut sería a mesma persoa[7].
Notas[editar | editar a fonte]
- ↑ Ullditz 2014, p. 199–200.
- ↑ Logan 2005, p. 141.
- ↑ 3,0 3,1 Downham 2007, p. 79–80.
- ↑ 4,0 4,1 Downham 2007, p. 73.
- ↑ Smyth 1975, p. 34.
- ↑ Angus 1965, p. 147.
- ↑ Cannon & Hargreaves 2009, p. 64–65.
Véxase tamén[editar | editar a fonte]
Bibliografía[editar | editar a fonte]
| século IX |  | |
|---|---|---|
| século X | ||
| século XI | ||
| século XII | ||
^ Disputado * Especulativo | ||
