Shishuo xinyu

Shishuo xinyu
Título orixinal	世說新語 e 世说新语
Autor/a	Liu Yiqing
Orixe	República Popular da China e Dinastía Liu Song
Lingua	lingua chinesa
	[ editar datos en Wikidata ]

Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.

O Shishuo xinyu (chinés tradicional: 世說新語; chinés simplificado: 世说新语; pinyin: Shìshuō xīnyǔ; Wade-Giles: Shih⁴-shuo¹ hsin¹-yu³; en galego, "Un novo relato dos contos do mundo") é unha compilación histórica sobre eruditos, músicos e artistas chineses dos séculos II ao IV. Foi editada por Liu Yiqing (403 - 444).

Contidos

O libro contén arredor de 1130 anécdotas históricas e bosquexos biográficos duns 600 literatos, músicos e pintores das dinastías Han e Wei-Jin. Destaca o capítulo 19, que inclúe 32 historias de mulleres excepcionais.^[1]^[2] Tamén recolle información sobre os chamados Sete Sabios da Fraga de Bambú.

O texto orixinal estaba dividido en oito juan 卷 ou rolos, aínda que as versións actuais adoitan distribuírse en dez volumes. A obra é unha importante fonte de información biográfica, así como un rexistro da linguaxe coloquial da época.^[1]^[2]

Malia que a meirande parte das anécdotas e personalidades recollidas no Shishuo xinyu aparecen tamén noutras fontes, os bibliógrafos chineses clasificárono como xiaoshuo 小说, un termo que máis tarde sería empregado para referirse a xéneros de ficción. Esta atribución pode deberse ao seu uso dun rexistro coloquial, e a que non segue as convencións historiográficas da época.^[3]

Influencia

A súa mestura da lingua literaria e do vernáculo influenciou o desenvolvemento da posterior literatura informal chinesa. O célebre novelista Lu Xun (1881-1936) eloxiou os seus méritos estéticos.^[3]

Notas

↑ ^1,0 ^1,1 Wilkinson, Endymion (2022). Chinese History: A New Manual (en inglés). Harvard University Asia Center. ISBN 978-0-674-26018-4.
↑ ^2,0 ^2,1 "世说新语 - Museo de Nanjing". web.archive.org. 2014-10-09. Archived from the original on 09 de outubro de 2014. Consultado o 2024-04-26.
↑ ^3,0 ^3,1 Mather, Richard (2017-04-30). Shih-shuo Hsin-yü: A New Account of Tales of the World (en inglés). University of Michigan Press. ISBN 978-1-938937-01-9.

[:0-1] 1,0 ^1,1 Wilkinson, Endymion (2022). Chinese History: A New Manual (en inglés). Harvard University Asia Center. ISBN 978-0-674-26018-4.

[:1-2] 2,0 ^2,1 "世说新语 - Museo de Nanjing". web.archive.org. 2014-10-09. Archived from the original on 09 de outubro de 2014. Consultado o 2024-04-26.

[:2-3] 3,0 ^3,1 Mather, Richard (2017-04-30). Shih-shuo Hsin-yü: A New Account of Tales of the World (en inglés). University of Michigan Press. ISBN 978-1-938937-01-9.

[1]

[2]

[3]