Shirley Manson

Na Galipedia, a Wikipedia en galego.
Saltar ata a navegación Saltar á procura
Shirley Manson
Shirley Manson.jpg
Nome completoShirley Ann Manson
Nacemento26 de agosto de 1966
OrixeEdimburgo, Escocia Escocia
Ocupaciónactriz, cantante, guitarrista, música, modelo, autor-compositor, actriz de cinema e feminista
Instrumento(s)voz, teclados
Relacionado conGarbage, Goodbye Mr. Mackenzie, Angelfish
editar datos en Wikidata ]

Shirley Ann Manson, nada o 26 de agosto de 1966, é unha cantante escocesa, vocalista da banda de rock alternativo Garbage.

Traxectoria[editar | editar a fonte]

Manson é a segunda de tres fillas; o seu pai é xenetista e a súa nai foi cantante. Empezou a estudar piano á idade de 7 anos, e máis tarde acudíu á Escola de Música da Cidade de Edimburgo onde tamén formou parte do grupo de teatro.

Na escola, os demais nenos metíanse frecuentemente con ela. Burlábanse do seu aspecto e da cor do seu pelo. Ás veces, regresaba a casa ensanguentada e magullada por culpa do acoso. Os interminables acosos e burlas conducírona a unha profunda depresión e empezou a autolesionarse, entre outras cousas.

Traballou brevemente como dependenta nunha tenda. A súa primeira experiencia musical foi coas bandas Autumn 1904 e Wild Indians. Cando tiña 16 anos uníuse ao grupo Goodbye Mr. Mackenzie onde tocaba os teclados e facía de segunda vocalista. Neste grupo estivo unha década ata a súa disolución en 1992. Despois desta, Shirley, xunto con dous membros do grupo, fundaron Angelfish, outra banda na que Shirley era a vocalista.

Angelfish editou un álbum autotitulado e dous sinxelos. A banda estivo de xira polos Estados Unidos, Canadá, Bélxica e Francia, chegando a ser abreconcertos de Live en Norteamérica. O seu videoclip para a canción "Suffocate Me" foi emitido no programa da MTV 120 Minutes, e o produtor e músco Steve Marker, que viu esa emisión, pensou que podería ser unha boa vocalista para o seu grupo, Garbage.