Shah Rukh Khan

Na Galipedia, a Wikipedia en galego.
Shah Rukh Khan
Alcume/outrosBaadshah of Bollywood
Nacemento2 de novembro de 1965
LugarNova Deli
NacionalidadeIndia
RelixiónIslam
Educado enNational School of Drama
PaiTaj Mohammed Khan
NaiLateef Fatima
Cónxuxe(s)Gauri Khan
FillosAryan Khan, Suhana Khan e Abram Khan
Profesiónpresentador de televisión, actor, guionista, produtor de cinema, bailarín e participante do fórum internacional
Na rede
IMDB: nm0451321 Allocine: 73726 Rottentomatoes: celebrity/shahrukh_khan Allmovie: p220039 Metacritic: person/shah-rukh-khan
Facebook: IamSRK Twitter: iamsrk Instagram: irfanaminpatwary TED: shah_rukh_khan Musicbrainz: 8f9536d0-7be2-4c64-b6a4-ef73bb1c3876 Songkick: 51470 Discogs: 1273696 Editar o valor em Wikidata
editar datos en Wikidata ]

Shah Rukh Khan (en hindi: शाहरुख़ ख़ान; en urdú: شاہ رخ خان), nado como Shahrukh Khan en Nova Deli o 2 de novembro de 1965, tamén coñecido como SRK, é un actor, produtor e personalidade da televisión india. Coñecido polos medios de comunicación como o "Baadshah de Bollywood", "Rei de Bollywood" ou "Rei Khan", apareceu en máis de 80 filmes de Bollywood, gañou numerosos premios e galardóns, incluíndo 14 Premios Filmfare. Khan ten unha fama significativa en Asia e na diáspora india de todo o mundo. En termos de audiencia e recadación, foi descrito como unha das estrelas de cine máis exitosas do mundo.

Khan comezou a súa carreira con aparicións en numerosas series de televisión a finais da década de 1980. Fixo o seu debut nun filme de Bollywood en 1992 con Deewana. Ós comezos da súa carreira, Khan era recoñecido por interpretar papeis de malvados nos filmes Darr (1993), Baazigar (1993) e Anjaam (1994). Acadou a fama despois de protagonizar filmes romántico, como Dilwale Dulhania Le Jayenge (1995), Dil To Pagal Hai (1997), Kuch Kuch Hota Hai (1998), Mohabbatein (2000) e Kabhi Khushi Kabhie Gham... (2001). Despois, acadou o recoñecemento da crítica pola interpretación dun alcohólico en Devdas (2002), un científico da NASA en Swades (2004), un adestrador de hóckey en Chak De! India (2007) e un home con síndrome de Asperger en My Name Is Khan (2010). Os seus filmes máis exitosos son as comedias Chennai Express (2013) e Happy New Year (2014). Moitos dos seus filmes tocan temas sobre a identidade nacional india e as conexións coas comunidades da diáspora, ademais de temas de diferenzas raciais, sociais e relixiosas. Polas súas achegas ó mundo do cine, o Goberno da India honrouno co Padma Shri, e o Goberno de Francia coa Orde das Artes e as Letras e Lexión de Honra.

Véxase tamén[editar | editar a fonte]

Ligazóns externas[editar | editar a fonte]