Sete noivas para sete irmáns

Sete noivas para sete irmáns
(1954)
Instancia de filme  Parte de National Film Registry  Título Seven Brides for Seven Brothers (en)  Caracterizado por filme baseado nunha obra literaria
Características  Cor en cor  Xénero artístico comedia romántica cinema musical  Formato de distribución vídeo baixo demanda  Ambientado en Oregón  Lingua orixinal lingua inglesa
Implicados  Produtor/a Jack Cummings (pt)  Director/a Stanley Donen  Compositor/a Gene de Paul  Guionista Albert Hackett Frances Goodrich Dorothy Kingsley (en)  Director/a fotografía George Folsey (pt)  Editor/a de cine Ralph E. Winters  Deseñador/a produción Cedric Gibbons  Maquillador/a Sydney Guilaroff (pt) William J. Tuttle (pt) Lynn F. Reynolds (pt)  Elenco Howard Keel Marc Platt Ian Wolfe Julie Newmar Russell Simpson Gene Roth (pt) Matt Moore (pt) Sheb Wooley Anna Q. Nilsson Jane Powell Matt Mattox (pt) Jeff Richards Ruta Lee Virginia Gibson Russ Tamblyn Howard Petrie (pt) Jacques d'Amboise Larry J. Blake (pt)  Compañía produtora Metro-Goldwyn-Mayer  Distribuidor/a Metro-Goldwyn-Mayer
Datas  Data de publicación 1954
Historia  Premios e distincións Óscar á mellor música cinematográfica orixinal (30 de marzo de 1955) National Board of Review aos 10 filmes máis salientables  Nomeamentos Óscar ao mellor filme en cor (12 de febreiro de 1955) Óscar ó mellor filme (12 de febreiro de 1955) Óscar ó mellor guión adaptado (12 de febreiro de 1955) Óscar á mellor montaxe (12 de febreiro de 1955) Óscar á mellor música cinematográfica orixinal (12 de febreiro de 1955)
Cifras e dimensións  Duración  104 min
Localización  País de orixe Estados Unidos de América
Códigos e identificadores VIAF 224737439 ISAN 0000-0002-E86A-0000-5-0000-0000-M Freebase /m/0gcrg
Fontes e ligazóns  Páxina WEB warnerbros.com…  Puntuación da crítica 89% Rotten Tomatoes (30 de xaneiro de 2025) 7.7/10 Rotten Tomatoes (6 de outubro de 2021)
Wikidata C:Commons

Sete noivas para sete irmáns (en inglés: Seven Brides for Seven Brothers) é un filme musical estadounidense de 1954 dirixido por Stanley Donen, con música de Saul Chaplin e Gene de Paul, letras de Johnny Mercer e coreografía de Michael Kidd. O guión, de Albert Hackett, Frances Goodrich e Dorothy Kingsley, baséase no relato "The Sobbin' Women", de Stephen Vincent Benét, que está á súa vez inspirado na antiga lenda romana do rapto das sabinas. O filme, ambientado en Oregón en 1850, é coñecido particularmente pola pouco habitual coreografía de Kidd, que creou números de baile a partir de actividades mundanas da fronteira como cortar madeira ou construír un alpendre. A crítica de cinema Stephanie Zacharek denominou a escena do alpendre como "un dos máis impactantes números de baile nunca levados á pantalla".

O filme gañou o Óscar á mellor banda sonora de musical e foi candidato a outros catro premios, incluído o de mellor filme. En 2006, o American Film Institute considerou Sete noivas para sete irmáns un dos mellores filmes musicais da historia. En 2004, o filme foi incluído para a súa conservación no National Film Registry da Biblioteca do Congreso dos Estados Unidos de América por ser "cultural, histórica ou esteticamente significativo".

Foi estreado en galego pola Televisión de Galicia o 24 de xullo de 1993.

Argumento

O máis vello dos sete salvaxes irmáns Pontipee, Adam, decide casar coa guapa Milly e levala á súa cabana xunto cos seus seis irmáns. Entón estes deciden baixar á vila e conseguir unha muller para cada un.

Elenco

Os irmáns e as noivas

• Howard Keel como Adam e Jane Powell como Milly
• Jeff Richards como Benjamin e Julie Newmar como Dorcas
• Matt Mattox como Caleb e Ruta Kilmonis como Ruth
• Marc Platt como Daniel e Norma Doggett como Martha
• Jacques d'Amboise como Ephraim e Virginia Gibson como Liza
• Tommy Rall como Frank e Betty Carr como Sarah
• Russ Tamblyn como Gideon e Nancy Kilgas como Alice

Para interpretar os números de baile e as secuencias de acción o coreógrafo Michael Kidd quería bailaríns que interpretasen os seis irmáns de Adam Pontipee. Non obstante, foi capaz de integrar no elenco dous intérpretes con contrato coa MGM que non eran bailaríns, Jeff Richards, que só interpretou os bailes máis simples, e Russ Tamblyn, que apareceu nos números de bailes explotando o seu talento como ximnaste e acróbata. As sete noivas eran bailarinas profesionais.

Xente do lugar

• Ian Wolfe como Reverend Elcott
• Howard Petrie como Pete Perkins
• Marjorie Wood como Mrs. Bixby
• Russell Simpson como Mr. Bixby
• Earl Barton como Harry
• Dante DiPaolo como Matt
• Kelly Brown como Carl
• Matt Moore como Ruth's Uncle
• Dick Rich como Dorcas' Father

Adaptacións

• A serie de televisión de 1968-1970 Here Come the Brides está inspirada polo filme.
• O musicial de 1978 Seven Brides for Seven Brothers é unha adaptación do filme, con libreto de Lawrence Kasha e David Landay. Conserváronse catro cancións do filme ("Bless Your Beautiful Hide", "Wonderful Wonderful Day", "Goin' Courtin'" e "Sobbin' Women") e o resto son composicións novas escritas por Al Kasha e Joel Hirschhorn.
• A serie de televisión Seven Brides for Seven Brothers, vagamente baseada no filme, foi emitida semanalmnente por CBS dende o 19 de setembro de 1982 ao 23 de marzo de 1983.
• O filme de Bollywood de 1982 Satte Pe Satta ("Sete sobre sete") é un remake de Sete noivas para sete irmáns.

Véxase tamén

Ligazóns externas

• Jacket Magazine: some background information