Serofobia

Na Galipedia, a Wikipedia en galego.

A serofobia é o prexuízo, medo, rexeitamento e discriminación cara a persoas seropositivas. As persoas que viven con VIH poden enfrontarse a desigualdade de trato tanto social como institucionalmente.[1] A pesar de que aínda o VIH segue sendo un virus que non ten cura, hoxe en día o tratamento permite ás persoas seropositivas non só ter unha esperanza de vida igual á das persoas non infectadas sen chegar nunca a desenvolver SIDA, senón que mantén ó virus indetectable e, por tanto, intransmisible.[2][3][4][5]

A discriminación por VIH/SIDA existe en todo o mundo e inclúe ostracismo, rexeitamento, discriminación e evitación do contacto coa persoa infectada. As consecuencias do estigma cara ás persoas que viven co VIH dá lugar, por unha banda, a unha baixa participación no asesoramento e ás probas do VIH e a falta de interese en saber se se ten o virus en persoas que descoñecen o seu estado serolóxico e, por outro, a illamento social, soidade, baixa autoestima, crise de identidade ou depresión naquelas persoas diagnosticadas con VIH.[6]

A serofobia lastra a loita contra o VIH/SIDA e pode estar interseccionada con outra serie de prexuízos asociados á pobreza, a homosexualidade, a bisexualidade, a transexualidade ou á promiscuidade.[7][8][9] Nalgúns países a discriminación institucional inclúe restricións á liberdade de circulación, ó dereito de propiedade, ó acceso ó traballo, escola, servizos sociais e mesmo vivenda.[10][11][12]

Notas[editar | editar a fonte]

  1. "La serofobia: un desafío social". Arquivado dende o orixinal o 21 de xullo de 2019. Consultado o 04 de xullo de 2019. 
  2. "Cómo los portadores del VIH pueden tener una expectativa de vida "casi normal" 35 años después de que se desatara la epidemia de sida". BBC. 11 de maio de 2017. 
  3. "Los nuevos infectados por VIH en España tienen una esperanza de vida similar a la población general". Médicos y pacienties. 11 de xullo de 2017. 
  4. "Indetectable = Intransmisible". 18 de xullo de 2018. 
  5. "Serofobia | Amigoscontraelsida". Consultado o 2019-06-29. 
  6. Parker, Richard; Aggleton. "HIV and AIDS-related stigma and discrimination: a conceptual framework and implications for action" 57 (1). Social Science & Medicine. ISSN 0277-9536. doi:10.1016/S0277-9536(02)00304-0. 
  7. "Common at its core: HIV-related stigma across contexts". International Center for Research on Women. 2005. 
  8. Herek, G.M. "Thinking about AIDS and stigma: A psychologist's perspective". Journal of Law, Medicine. 
  9. Herek, G.M.; Capitanio; Widaman. "Stigma, social risk, and health policy: Public attitudes toward HIV surveillance policies and the social construction of illness". Health Psychology. 
  10. "The Global Database on HIV-Specific Travel & Residence Restrictions". 
  11. "HIV Stigma and Discrimination". 
  12. "Índice de estigma y discriminación en personas con VIH" (PDF). 

Véxase tamén[editar | editar a fonte]

Outros artigos[editar | editar a fonte]