Series Mundiais Femininas de Rugby a 7

As Series Mundiais Femininas de Rugby a 7 (en inglés World Rugby Women's Sevens Series) son un campionato organizado por World Rugby composto por varios torneos nos que se enfrontan a mellores seleccións femininas de rugby a 7 do mundo.

As Series Mundiais naceron en 2012/13 como herdeiras da IRB Women's Series Challenge Cup que se disputou o ano anterior, copiando o modelo das Series Mundiais de Rugby a 7 masculinas que se disputan dende a tempada 1999-2000.

Puntuación[editar | editar a fonte]

Os equipos suman unha serie de puntos tras cada torneo dependendo da posición final acadada, de xeito que ó remate da tempada a selección campioa é a que ten máis puntos na clasificación.

Posto	1º	2º	3º	4º	5º	6º	7º	8º	9º	10º	11º	12º
Puntos	20	18	16	14	12	10	8	6	4	3	2	1

Participantes[editar | editar a fonte]

Cada torneo das Series Mundiais conta con 12 seleccións participantes. Das 12 seleccións, 11 teñen a presenza garantiza en tódolos torneos. Son as seleccións que posúen un status permanente (en inglés Core Teams). O resto das seleccións participantes fano convidadas pola organización, podendo competir nun torneo ou en máis dun, segundo o considere World Rugby. O status permanente acádase por méritos deportivos, rematando a tempada entre os primeiros postos da táboa.

As seleccións core team na tempada 2015-16 foron:

Torneos[editar | editar a fonte]

Na tempada 2015-16 as Series Mundiais estiveron compostas por cinco torneos:

Torneo	Estadio	Data
Dubai	The Sevens Stadium (50.000)	3 e 4 de decembro de 2015
São Paulo	Arena Barueri (35.000)	20 e 21 de febreiro de 2016
Atlanta	Fifth Third Bank Stadium (8.500)	8 e 9 de abril de 2016
Langford	Westhills Stadium (1.600)	16 e 17 de abril de 2016
Clermont-Ferrand	Stade Gabriel Montpied (10.607)	28 e 29 de maio de 2016