Serie web

Foto da serie web SDI .

Unha serie web (do inglés, web series), serie de internet ou serie en liña é unha produción audiovisual creada para ser distribuída a través de internet e forma parte do novo medio chamado televisión web. Utilizan guións e están estruturadas en tempadas divididas en episodios, os que poden recibir o nome de Webisodios. Poden ser distribuídas de forma gratuíta a través de webs de vídeo como YouTube ou Vimeo, mediante plataformas de Video on Demand (VoD) como Netflix, Prime Video, ou servizos OTT como RTVE Play ou AGalega.

Sendo un novo medio emerxente, a definición sinalada abarca a toda produción realizada para ser distribuída por primeira vez en internet, de tal forma que resulta indiferente a duración, temática e xénero, podendo ser ficción, documental, de imaxe real ou animación.

O formato estándar da serie web, tempadas con episodios de 5 a 15 minutos, quedou entregado á creatividade e os recursos dos seus produtores, de tal forma que vemos series con escasos recursos pero ao mesmo tempo outras galardoadas como House of Cards, de Netflix, que obtivo nove nomeamentos aos Premios Primetime Emmy en 2013. En relación co éxito das series web House of Cards e Orange Is the New Black «As dúas ficcións estrelas da plataforma online Netflix deixaron claro que o modelo de consumo tradicional das series, se quedaba algunha dúbida, cambiou por completo. Non só se estrearon as súas segundas tempadas íntegras para consumilas a demanda senón que compiten en igualdade de condicións (calidade, factura, actores...) coas series tradicionais e, ademais, non as emite unha canle de televisión.»

Historia

Artigo principal: Televisión web.

The Spot, ou thespot.com, foi a primeira historia sobre a base de episodios en liña, e o primeiro sitio web en integrar na súa historia fotos, vídeos e o que posteriormente se coñecería como blogs. Creado por Scott Zakarin en 1995, The Spot foi descrito como o «Melrose Place na Web» e mostraba unha rotación de mozas e atractivos actores que interpretaban a rapaces de vinte anos á moda, quen alugaban cuartos nunha casa na praia ao sur de California (The Spot), en Santa Mónica (California). Infoseek outorgou ao sitio o título de Cool Site of the Year, premio que na actualidade é coñecido como o Webby.

Tamén en 1995, Bullseye Art foi un dos primeiros publicadores web en crear webisodios animados. Os primeiros, e poucos webisodios, creados e aparecidos en Bullseye Art incluíron Porkchops, Internet the Animated Series e Rat Chicken. En 1998 Bullseye Art tivo un grande éxito coa webserie Miss Muffy and the Muf Mob, e con iso logrou desenvolver un acordo con MTV. Bullseye Art tamén creou Space Dog, o que gañou popularidade con Atom Films. O contido orixinal de Bullseye Art pódese ver en Magic Butter web network.

En 2003 Microsoft estreou MSN Vídeo, que contiña sériea web orixinal Weird TV 2000 (dos creadores da serie de televisión Weird TV). Weird TV 2000 mostraba ducias de curtos, comedias e mini documentais producidos exclusivamente para MSN Vídeo.

Entre 2003 e 2006, moitas series web independentes lograron alcanzar popularidade, destacándose Red Vs. Blue (creada por Rooster Teeth). A serie foi distribuída de forma independente nos portais en liña YouTube e Revver, como tamén o sitio Rooster Teeth. A serie alcanzou máis de 100 millóns de visitas durante a súa estrea orixinal. Sam Has 7 Friends, estreada entre o verán e o outono de 2006, foi nomeada a uns Premios Daytime Emmy, e foi temporalmente removida de internet ao ser adquirida por Michael Eisner.

En 2008 Bravo lanzou a súa primeira serie web semanal titulada The Malan Show. Seguía a Malan Breton, deseñadora de modas de Nova York, no seu proceso para lograr o éxito en Estados Unidos como deseñadora independente.

En 2013, Netflix obtivo os primeiros nomeamentos aos Premios Primetime Emmy por unha serie orixinal para ser vista exclusivamente en Televisión web nos Premios Primetime Emmy de 2013. Tres das súas series web, House of Cards, Arrested Development e Hemlock Grove, lograron ser nomeadas.

As series web continuaron gañando popularidade e notoriedade co pasar dos anos. Algunhas das máis notables series inclúen lonelygirl15, MySpace Road Tour, Prom Queen, Dr. Horrible's Sing-Along Blog, The Americans, Urban Wolf, Squad 85, The Guild, I Kissed A Vampire, Spellfury, The Legend of Neil, Red State Update, Punt de Trobada de Santa Paula, Dorm Life, Speedie Date, Fred Figglehorn, The Annoying Orange, Seth MacFarlane's Cavalcade of Cartoon Comedy, Burning Love, Husbands, Kam Kardashian, Vídeo Game High School, e moitas máis.

Algunhas das series en liña máis antigas de España e Latinoamérica son: a chilena Mil y Una Vez, Los Güebones, a catalá Punt de Trobada , a valenciana Lo que surja, Cálico Electrónico, a vasca Que vida más triste, Venga Monjas, Eva y Kolegas ou Chica busca Chica, e outras como Malviviendo, Croatian Files, Con pelos en la lengua, Tantalus, Desalmados e Vincent Finch: Diario de un ego, Isla Presidencial, Amanda O, Alejo y Valentina, Web Serie Apps, Gringolandia, a galega Rural Horror Storis e outras. En 2009, as series para a televisión web recibiron o seu primeiro festival de premiación, o Streamys.

Produción e distribución

O crecemento da popularidade de internet e a crecente calidade da tecnoloxía para transmitir vídeos por internet trouxo como consecuencia que a distribución das series web sexa relativamente barata en comparación cos estándar tradicionais, permitindo aos produtores alcanzar unha audiencia global que ten acceso aos programas durante as 24 horas do día.

O emerxente potencial do éxito dos vídeos na web atraeron a esta plataforma a grandes executivos de entretemento en Estados Unidos, incluíndo ao executivo de Disney e actual xerente de Tornante Company, Michael Eisner. A división Vuguru de Eisner en Tornante uniuse ao conglomerado canadense Rogers Media o 26 de outubro de 2009, asegurando plans para unha crecente produción de 30 novos programas web ao ano. Rogers Media axudará a financiar e distribuír a novas producións de Vuguru, de tal forma que se solidificará directamente a conexión entre o vello e o novo medio.

As webseries poden ser distribuídas directamente desde os sitios web dos seus produtores, ou desde plataformas como YouTube, Vimeo, Koldcast ou Blip. Tamén existen plataformas dedicadas á difusión de webseries de forma gratuíta, como Curtos de Metraxe

Formato

As series web non teñen un formato ríxido como ocorre noutros medios. A súa estrutura foi variando cos anos e adoita estar determinada polos creadores da serie en particular e o orzamento co que se conte. Establecendo que unha serie web é unha serie guionizada realizada para ser especificamente estreada e distribuída por internet, atopámonos cunha variación nos seus xéneros, duracións e técnicas audiovisuais aplicadas.

No seu formato máis popular son series dunha duración entre 3 e 15 minutos e o seu orzamento pode ser escaso ou elevado. Así temos series como lonelygirl15, con tres tempadas, un total de 354 episodios cunha duración de entre 2 e 13 minutos. Ao mesmo tempo temos series con alto orzamento como as producidas polos canais VoD, Netflix e Crackle, o primeiro creou House of Cards e Orange is the New Black, entre outras, e Crackle creou series como The Bannen Way e Chosen.

En abc.es escribiron sobre o formato "En tempos de crises, este tipo de formato curto -os episodios adoitan durar entre 5 e 10 minutos- está a converterse nunha saída á creatividade audiovisual, permitindo que os autores atopen público para uns contidos que dificilmente terían cabida na televisión, como é o caso de "Con pelos en la lengua", de Felipe Jiménez e Cristóbal Garrido."

Na Arxentina lanzouse unha nova serie web de gran crecemento que foi integramente pensada para ser usada en dispositivos móbiles: Factor Pantasma, ten unha duración de 8 minutos e os seus capítulos vanse activando semanalmente.

Xénero

As webseries non teñen un xénero determinado, na actualidade atopamos unha aposta transversal dos seus creadores. Por exemplo en España están as webseries "Pigmalión" e "Número privado" que son as primeiras series web de España en apostar polo xénero do thriller. "The ennead" doutra banda aposta polo misterio. "Crónicas Drakonianas" polo xénero medieval fantástico. "Tantalus" cun xénero post-apocalíptico. Recentemente comezouse a explorar con novos formatos, como o fixo "Maleficio", unha webserie Venezolana e "Almas Perdidas" de Colombia.

Premios

Os Webby Awards, creados en 1995, premian á mellores series web nas categorías de comedia, drama e reality. En 2009, a International Academy of Web Television foi fundada coa misión de organizar e apoiar á comunidade de creadores, actores, produtores e executivos de web televisión. Administra a selección de gañadores para os Streamy Awards, (que premian ao contido da televisión web e ás series,) en 2009 e 2010. Debido a unha mala recepción e execución dos Streamy Awards de 2010, a IAWTV decidiu paralizar a produción da cerimonia de premiación. Despois de tomar esta decisión o IAWTV formou o seu propio festival de premiación. Tubefilter uniuse coa produtora Dick Clark para realizar os 3. Streamy Awards. En 2014 creouse en España o FEW-webfest, Festival Español de Webseries, un festival onde a 'esencia' é unha virtude non un defecto.

Eventos e festivais

• Los Angeles Web Series Festival: o LA Web Festival foi o primeiro evento no mundo en estar dedicado exclusivamente ás series web. No seu primeiro festival, en 2010, premiouse ás series "ABIOLA'S KISS & TELL TV", "PARTY GIRL PLUS ONE", "DIARY OF A SINGLE MOM", "SEMI DEAD" e "SETH ON SURVIVAL", entre outras. Na edición de 2014, varias webseries españolas foron premiadas. Libres gañou os premios a Mellor Actriz Dramática: Nahia Láiz, Carmen Giménez; Mellor Actor Secundario: Antonio de la Fuente e Mellor Fotografía: Íñigo Olea. Sen Vida Propia gañou os premios a Mellor Actriz Cómica (María Albiñana), Gran Premio do xurado e Mellor serie de comedia.
• HollyWeb Festival: Un festival con premiación anual dedicado exclusivamente ás series web. Atópase no seu cuarto ano (2015), e ten lugar na primavera na cidade de Hollywood, California.
• Melbourne Web Fest: Festival australiano que tivo o seu primeiro evento o 20 de xullo de 2013.
• Para Ver Online: Festival español que tivo o seu primeiro evento o 20 de xullo de 2013.
• Chicago Comedy Filme Festival: Iniciado en 2013.
• London Web Fest o primeiro Web Fest no Reino Unido e o primeiro a nivel internacional en ser organizado por un recoñecido festival de cine, o Raindance Filme Festival. O primeiro evento tivo lugar o 28 e 29 de setembro de 2013.
• Campiflegreiwebseriesfest en Campiflegrei, Nápoles, primeiro evento en outubro de 2013.
• Rome Web Fest en Roma, Italia, comezou en 2013.
• Toronto reúne a unha ampla comunidade de series web, tendo encontros cada dous meses. Tamén é a sede de IWCC-CIWC, o The Independent Web Series Creators of Canada - Créateurs Indépendants de Séries Web du Canada.
• IAWTV International Academy of Web Television Awards (IAWTV Awards) O IAWTV foi fundado en 2008 e está dedicado ao avance das artes e ciencias da produción de televisión web. A membresía ofrécese só por invitación persoal e os seus membros representan a todos os sectores e especialidades da produción de televisión web.
• The Web Show Show, situado en Los Ángeles, teñen encontros mensualmente entre xaneiro e outubro, exhibindo e competindo series web de comedia. Os concursantes reciben retroacción en vivo de parte dos paneis de xuíces compostos por estrelas e persoas famosas de YouTube e de sitios como Cracked.com, Funny or Die, e CollegeHumor. O gañador de cada evento é elixido por votación popular en vivo, e ofréceselle unha invitación ao campionato anual.
• Bawebfest É o primeiro Festival Internacional de Series Web de Suramérica e ten lugar na Cidade de Buenos Aires, Arxentina no mes de marzo.
• Rolda Web Fest É o festival internacional de series web realizado en Roldanillo, Colombia, e celébrase anualmente no mes de xullo.
• Marseille web fest é o primeiro festival de webseries máis grande de Europa. Situado en Francia e fundado por Jean-Michel Albert, unicamente 25 webseries de todo o mundo compiten na selección oficial. A edición de 2014 tivo lugar do 17 ao 19 de outubro. O xurado presidido por Jackson Rathbone outorgou o premio á webserie canadense Michaelle en Sacrement.
• En España actualmente celébranse tres festivais de webseries: O Carballo Interplay, a sección Series no Festival Internacional de Cine de Valencia- CinemaJove, o Seriesland (Bilbao Web Fest) e o FIDEWÀ (Festival Internacional de Webseries de l'Alfàs do Pi).

Véxase tamén

Outros artigos

• Podcast

Ligazóns externas

• Catálogo de series web en liña