Sergei Chukhrai

Sergei Chukhrai
Biografía
Nacemento	31 de maio de 1955 (68 anos); Belogorsk, Rusia (pt)
Datos persoais
País de nacionalidade	Unión Soviética ; Ucraína
Altura	184 cm
Actividade
Ocupación	piragüista , caiaquista
Deporte	piragüismo
Disciplina deportiva	canoa
Participou en
1980	canoeing at the 1980 Summer Olympics – men's K-2 1000 metres (en) (medalla de ouro olímpica)
1980	canoeing at the 1980 Summer Olympics – men's K-2 500 metres (en) (medalla de ouro olímpica)
1976	canoeing at the 1976 Summer Olympics – men's K-4 1000 metres (en) (medalla de ouro olímpica)
	Premios Bandeira Vermella do Traballo; Mestre emérito do deporte da Unión Soviética; Orde ao Mérito de Ucraína de terceira clase; Orde da Insignia de Honra; Honorary Diploma of the Cabinet of Ministers of Ukraine (en) ;

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Sergei Alekseevich Chukhrai (en ruso: Чухра́й Серге́й Алексе́евич) nado o 31 de maio de 1955 en Belogorsk, Óblast de Amur, é un ex-piragüista soviético, que competía na modalidade de augas tranquilas. Competiu en dous Xogos Olímpicos, nos que gañou tres medallas de ouro: unha en Montreal 1976 (no K-4 1000 m) e dúas en Moscova 1980 (en K-2 500 m e K-2 1000 m).

Gañou ademais nove medallas no Campionato do Mundo de Piragüismo: tres ouros, tres pratas e tres bronces.

Traxectoria[editar | editar a fonte]

En 1974 entrou na selección nacional da Unión Soviética e ese mesmo ano proclamouse subcampión do mundo no Campionato Mundial celebrado en Cidade de México, onde quedou segundo no K1 4x500 m de remudas, por detrás do equipo romanés.

Dous anos despois competiu nos Xogos Olímpicos de 1976 en Montreal, nos que participou no K4 1000 m, xunto a Aleksandr Degtiarev, Iurii Filatov e Vladimir Morozov. Foron segundos na primeira serie e primeiros na semifinal. Xa na final, lograron a medalla de ouro ao superar por menos de tres décimas á embarcación española formada por José María Esteban Celorrio, José Ramón López Díaz, Herminio Menéndez e o lucense Luis Gregorio Ramos Misioné.^[1]

En 1978 logrou o seu primeiro título mundial, no campionato celebrado en Belgrado. Foi no K2 1000 m, formando parella con Uladzimir Tajnikaŭ. Ao ano seguinte logrou un novo ouro mundial en Duisburgo, xunto a Vladimir Parfenovich no K2 500 m.

En 1980 en Moscova disputou os seus segundos Xogos Olímpicos, participando esta vez en dúas probas, K2 500 e K2 1000, formando parella nas dúas con Parfenovich e logrando o ouro nas dúas.^[2] En 1982 sumou o seu terceiro ouro mundial, no K4 10000 m, e en total acumulou nove medallas nos Campionatos do Mundo.

Trala súa retirada foi adestrador da selección soviética e acudiu aos Xogos Olímpicos de 1988 e 1992.

Notas[editar | editar a fonte]

↑ "Resultados de Montreal 1976" (PDF). la84foundation.org (en inglés). Arquivado dende o orixinal (PDF) o 27 de setembro de 2007. Consultado o 13 de agosto de 2021.
↑ "Resultados de Moscova 1980" (PDF). la84foundation.org (en inglés). Arquivado dende o orixinal (PDF) o 27 de setembro de 2007. Consultado o 13 de agosto de 2021.

Véxase tamén[editar | editar a fonte]

Ligazóns externas[editar | editar a fonte]

Datos do piragüista no sitio web oficial do Comité Olímpico Internacional (en inglés).

[1] "Resultados de Montreal 1976" (PDF). la84foundation.org (en inglés). Arquivado dende o orixinal (PDF) o 27 de setembro de 2007. Consultado o 13 de agosto de 2021.

[2] "Resultados de Moscova 1980" (PDF). la84foundation.org (en inglés). Arquivado dende o orixinal (PDF) o 27 de setembro de 2007. Consultado o 13 de agosto de 2021.

[1]

[2]