Serbuan Maut é un filme indonesio de artes marciais dirixido e escrito por Gareth Evans que se estreou no 2011.[1] Está protagonizado por Iko Uwais. É a segunda colaboración entre Evans e Uwais despois de Merantau, estreado en 2009. Ámbolos filmes amosan as artes marciais de Indonesia, pencak silat, con coreografías de Uwais e Yayan Ruhian.
Todo o mundo en Iacarta sabe que nos barrios baixos da cidade hai un edificio que serve de refuxio para os criminais mis perigosos de Indonesia. Algo así como unha fortaleza do mal cuxa lenda medra día a día e á que mesmo a policía teme achegarse. Malia todo, un grupo das forzas especiais de elite tentará derrubar as súas defensas e deter tódolos criminais. Mais a operación non sae segundo o previsto, e os policías atoparanse atrapados no edificio, sen fuxida posible e rodeados de asasinos.
