Selección negativa (selección natural)
Na selección natural, a selección negativa[1] ou selección purificante é a eliminación selectiva de alelos que son daniños (deletéreos). Isto pode ter como resultado unha selección estabilizante por medio da purga de polimorfismos xenéticos daniños que se orixinan por mutacións aleatorias.[2][3]
A purga de alelos daniños pode conseguirse no nivel da xenética de poboacións, sendo a unidade de selección unha soa mutación puntual. En tal caso, os portadores de mutuacións puntuais nocivas teñen menos descendencia en cada xeración, reducindo a frecuencia da mutación no acervo xénco.
No caso dunha forte selección negativa sobre un locus, a purga de variantes daniñas resultará na eliminación ocasional da variación ligada, producindo unha diminución no nivel de variación que rodea o locus que está baixo selección. A purga accidental de alelos non-daniños debido a esa proximidade espacial a alelos daniños denomínase selección de fondo (background selection).[4] Este efecto increméntase con taxas de mutación menores pero diminúe con taxas de recombinación máis altas.[5]
A selección purificante pode dividirse en purgante por apareamento non-aleatorio (apareamento selectivo) e purgante por deriva xenética. A purgante por deriva xenética pode eliminar principalmente alelos claramente recesivos, mentes que a selección natural pode eliminar calquera tipo de alelos daniños.[6]
Selección negativa en tecidos diploides comparada cos haploides
[editar | editar a fonte]A idea de que os xenes dun organismo que se expresan no estadio haploide están sometidos a unha selección natural máis eficiente que os xenes que se expresan exclusivamente no estadio diploide denomínase “teoría do enmascaramento”.[7] Esta teoría implica que a selección purificante é máis eficiente no estadio haploide do ciclo vital onde os efectos sobre a fitness se expresan máis plenamente que no estadio diploide. As probas que apoian a teoría do enmascaramento obtivéronse no lévedo unicelular Saccharomyces cerevisiae.[8] Máis evidencias que apoian a teoría do enmascaramento en xenes específicos de tecidos haploides obtivéronse na planta Pinus sylvestris.[7]
Notas
[editar | editar a fonte]- ↑ Loewe, Laurence (2008). "Negative selection". Nature Education 1 (1): 59.
- ↑ Tien NS, Sabelis MW, Egas M (marzo de 2015). "Inbreeding depression and purging in a haplodiploid: gender-related effects". Heredity 114 (3): 327–32. PMC 4815584. PMID 25407077. doi:10.1038/hdy.2014.106.
- ↑ Gulisija D, Crow JF (maio de 2007). "Inferring purging from pedigree data". Evolution; International Journal of Organic Evolution 61 (5): 1043–51. PMID 17492959. doi:10.1111/j.1558-5646.2007.00088.x.
- ↑ Charlesworth B, Morgan MT, Charlesworth D (agosto de 1993). "The effect of deleterious mutations on neutral molecular variation". Genetics 134 (4): 1289–303. PMC 1205596. PMID 8375663. doi:10.1093/genetics/134.4.1289.
- ↑ Hudson RR, Kaplan NL (decembro de 1995). "Deleterious background selection with recombination". Genetics 141 (4): 1605–17. PMC 1206891. PMID 8601498. doi:10.1093/genetics/141.4.1605.
- ↑ Glémin S (decembro de 2003). "How are deleterious mutations purged? Drift versus nonrandom mating". Evolution; International Journal of Organic Evolution 57 (12): 2678–87. PMID 14761049. doi:10.1111/j.0014-3820.2003.tb01512.x.
- ↑ 7,0 7,1 Cervantes S, Kesälahti R, Kumpula TA, Mattila TM, Helanterä H, Pyhäjärvi T (agosto de 2023). "Strong Purifying Selection in Haploid Tissue-Specific Genes of Scots Pine Supports the Masking Theory". Mol Biol Evol 40 (8). PMC 10457172. PMID 37565532. doi:10.1093/molbev/msad183.
- ↑ Gerstein AC, Cleathero LA, Mandegar MA, Otto SP (marzo de 2011). "Haploids adapt faster than diploids across a range of environments". J Evol Biol 24 (3): 531–40. PMID 21159002. doi:10.1111/j.1420-9101.2010.02188.x.
