A selección de hóckey a patíns masculina de Angola é o equipo que representa a Angola nas competicións internacionais de hóckey a patíns organizadas pola FARS ou polo CIRH. A selección angolana depende da Federação Angolana de Patinagem (FAP). Trátase dunha das mellores seleccións deste deporte no continente africano xunto coa selección de Mozambique, se ben esta última conta cun título internacional (o Campionato do Mundo "B" do 2006), a selección angolana colleitou mellores resultados no Campionato do Mundo, torneo do cal é habitual dende que ascendera dende o Campionato do Mundo "B" de 1994 (como segundo clasificado) e no que conseguiu como mellor clasificación o 6º posto no Mundial do 2009 disputado en Pontevedra e Vigo (Galiza).
