Seixalbo, Ourense
| Seixalbo | |
|---|---|
 | |
| Concello | Ourense[1] |
| Provincia | Ourense |
| Coordenadas | 42°18′23″N 7°51′21″O / 42.306269444444, -7.8556972222222Coordenadas: 42°18′23″N 7°51′21″O / 42.306269444444, -7.8556972222222 |
| Área | 6 km² |
| Poboación | 1088 hab. (2011) |
| Densidade | 181,33 hab./km² |
| Entidades de poboación | 10[1] |
| [ editar datos en Wikidata ] | |
San Breixo de Seixalbo é unha parroquia situada ó sur do concello de Ourense. En 2011, segundo o IGE, tiña 1088 habitantes (531 homes e 557 mulleres).
Ten unha extensión aproximada duns 6 km². Esténdese dende o cruzamento da antiga estrada de Celanova por San Cibrao das Viñas, ata o alto do Cumial, límite co concello de San Cibrao das Viñas, do que a separa o río Barbaña. A parroquia está atravesada pola ruta da Prata do camiño de Santiago. Na parroquia celébrase en xullo a Festa dos foros de Seixalbo.
Patrimonio[editar | editar a fonte]
Seixalbo conta cunha parroquia chamada San Breixo que ten a súa festividade o día 23 de xuño cunha procesión polo centro da vila.
No lugar de Zaín está a capela da Virxe do O, tamén coñecida como capela da Virxe da Esperanza ou da Expectación. Ten nave de planta rectangular con muros de cachotería concertada de granito. Na portada con arco de medio punto ten porta de dúas follas. A espadana é dun só arco, con pequeno campanil, rematada en cruz de pedra. A cuberta prolóngase até unha cercha apoiada en piares de madeira formando un acolledor cabido[2].
Entre Zaín e Zaín de Abaixo, preto da capela, hai un cruceiro de plataforma. Ao seu carón ten restos dun pedestal cúbico. Ten varal de sección circular, moi erosionado e desgastado, e a cruz tamén moi erosionada de forma singular, feita de cemento[3].
Nas Curuxeiras está a capela de San Blas, construída sobre unha plataforma horizontal. Ten planta rectangular, con muros de cachotería concertada de granito. A portada é adintelada, con porta de dúas follas e un pequeno oco na cara norte. A espadana é recente, con forma semicircular, rematada en cruz de pedra[4].
Preto desta capela está a Casona da Torre. Ten planta rectangular de dúas alturas, con muros de cachotería concertada. A fachada nordeste ten balcón e ventá singular. Accédese a ela por un portalón con arco. Segundo a tradición podería ter a súa orixe nunha antiga torre medieval[5]
Lugares e parroquias[editar | editar a fonte]
Lugares de Seixalbo[editar | editar a fonte]
| Lugares da parroquia de Seixalbo no concello de Ourense | |
|---|---|
|
Bemposta | O Cumial | As Curuxeiras | Lanza Carreira | Penouzos | Porteiro de Abaixo | Seixalbo | Soutoverde | Tenencia de Zaín | Zaín |
Parroquias de Ourense[editar | editar a fonte]
Notas[editar | editar a fonte]
- ↑ 1,0 1,1 Decreto 332/1996, do 26 de xullo, polo que se aproba o nomenclátor correspondente ás entidades de poboación da Provincia de Orense.
- ↑ Capela da Virxe do O de Seixalbo na páxina web colaborativa Patrimonio Galego.
- ↑ Casona A Torre nas Curuxeiras na páxina web colaborativa Patrimonio Galego.
- ↑ Capela de san Blas das Curuxeiras na páxina web colaborativa Patrimonio Galego.
- ↑ Cruceiro en Zaín na páxina web colaborativa Patrimonio Galego.
