Searching é un filme estadounidense de 2018 dirixido por Aneesh Chaganty e escrito por Chaganty e Sev Ohanian. Ambientado enteiramente en pantallas de computador e teléfonos intelixentes, o filme conta a historia dun pai (John Cho) tentando atopar a súa filla desaparecida de 16 anos (Michelle La) coa axuda dunha detective policial (Debra Messing). É o primeiro filme mainstream de Hollywood protagonizado por un actor asiáticoamericano.[1][2]
O filme estreouse no Festival de Cinema de Sundance o 21 de xaneiro de 2018, e estreouse nos cinemas dos Estados Unidos o 31 de agosto de 2018, por Screen Gems. O filme foi un éxito financeiro e da crítica, recadando máis de 75 millóns de dólares en todo o mundo sobre un orzamento de 880000 dólares. Foi eloxiada pola súa dirección, actuación, estilo visual único e argumento pouco predecible. Nos Premios Independent Spirit, Cho foi nomeado ao mellor actor protagonista.
