Schengen, Luxemburgo

Na Galipedia, a Wikipedia en galego.
Schengen, Luxemburgo
Bandeira de Schengen, Luxemburgo
Escudo de Schengen, Luxemburgo
BandeiraEscudo
Map Schengen 2012.png
EstadoLuxemburgo
Capitaln/d
 • Poboaciónn/d
Linguas oficiaisalemán, francés e luxemburgués
 • Total31 km²
 • % augan/d
 • Total4956 hab.
 • Densidaden/d
Xentilicion/d
Fuso horarion/d
Código ISOn/d

Schengen (pronunciado [ˈʃeŋən]) é unha pequena localidade produtora de viño e unha comuna situada no sueste de Luxemburgo, na marxe occidental do río Mosela, reto do punto onde se reúnen as fronteiras de Alemaña, Francia e Luxemburgo. Dentro do mesmo municipio atópanse as cidades de Remerschen e Wintrange. Segundo datos de 2005, na cidade vivían 1.527 veciños nunha superficie de 10,63 km². Despois das fusións con Burmerange e Wellenstein en 2011,[1] a comuna pasou a ter unha poboación de 4.223 habitantes e unha superficie no seu conxunto que abrangue 31,42 km².

A cidade fíxose famosa porque foi alí onde se asinou o Acordo de Schengen o 14 de xuño de 1985. O concello, situado na localidade de Remerschen, decidiu o 18 de xaneiro de 2006 cambiar o nome do municipio ao de Schengen, entrando en vigor o cambio de nome o 3 de setembro de 2006.

Historia[editar | editar a fonte]

O castelo de Schengen data de 1390, na Baixa Idade Media, pero foi case completamente reconstruído no século XIX.[2]  

Lugares poboados[editar | editar a fonte]

A comuna componse das seguintes aldeas:

 

Museo Europeo[editar | editar a fonte]

O Museo Europeo abriuse o 13 de xuño de 2010, 25 anos despois da sinatura do Tratado de Schengen, no edificio 'Centre européen'.

A exposición permanente e trilingüe sobre a historia e a importancia dos Acordos de Schengen, nos 200 m2 de espazo expositivo, mostra aos visitantes a eliminación do control das persoas nas fronteiras interiores, posta en práctica como unha das catro liberdades europeas fundamentais no Tratado de Roma de 1957. A sinatura do Acordo está documentada con fotos históricas e imaxes de vídeo e son, así como as declaracións dos implicados nese momento.

Irmandamento[editar | editar a fonte]

Schengen está irmandado con:[3]

Notas[editar | editar a fonte]

  1. "Archives". legilux.public.lu. Arquivado dende o orixinal o 18 de setembro de 2016. Consultado o 09 de xaneiro de 2023. 
  2. "Das Schloss von Schengen" Arquivado 19 de abril de 2014 en Wayback Machine., Schengen a.s.b.l. (en alemán). Consultado o 27 de marzo de 2011.
  3. "Jumelage". Commune de Schengen (en francés). Consultado o 2023-01-09. 

Véxase tamén[editar | editar a fonte]

Ligazóns externas[editar | editar a fonte]