Saydean Zeldin
  | |
| Biografía | |
|---|---|
| Datos persoais | |
| País de nacionalidade | Estados Unidos de América |
| Educación | Universidade Temple (pt)  |
| Actividade | |
| Ocupación | enxeñeira de software , programadora |
Saydean Zeldin é unha física, enxeñeira de software e programadora estadounidense.
Traxectoria[editar | editar a fonte]
Saydean Zeldin licenciouse en física pola Universidade de Temple, Filadelfia, Pensilvania, Estados Unidos. [1]
Despois de graduarse, traballou no laboratorio de ciencias espaciais de GE sobre as correntes de aire ao redor dos mísiles inimigos co obxectivo de identificalos mentres estaban no aire.[1]
Apollo[editar | editar a fonte]
Cando ela e o seu marido mudáronse a Boston polo traballo deste último, Saydean Zeldin solicitou traballar no Laboratorio de Instrumentación do Instituto Tecnolóxico de Massachusetts (MIT), agora coñecido como Draper, cando viu un anuncio no xornal. Non se consideraba experta no espazo, pero resolvía problemas e, considerando que era unha oportunidade interesante. Solicitouno e conseguiu o traballo. [1]
En 1966, comezou a traballar no sistema de guía para o módulo de mando Apollo, o AGC, e finalmente converteuse en xefa de sección.[2] Noutras palabras, deseñou o software que permitiu aos astronautas controlar os motores da nave espacial, tanto durante longas viaxes desde e cara á lúa como durante procedementos máis delicados como entrar na órbita lunar. Segundo ela afirma[1]
era a única muller que traballaba nas aplicacións e non nos sistemas
Mentres traballaba en Boston, Saydean Zeldin tamén viaxou a Houston para aprender doutros equipos de software e foi convidada ao lanzamento Apollo 11, ao que asistiu xunto ás súas tres fillas de 3, 5 e 8 anos . O software cambiou relativamente pouco entre as misións Apollo e Saydean Zeldin estivo activamente involucrado ata o Apollo 13, que corresponde ao final do desenvolvemento de software.[1]
Empresas[editar | editar a fonte]
En 1976, cofundou con Margaret Hamilton unha empresa chamada Higher Order Software (HOS) [3] para seguir desenvolvendo ideas sobre a prevención de erros e a tolerancia aos fallos que xurdiron da súa experiencia no MIT traballando no programa Apollo. [4] En 1985 Zeldin cofundou outra empresa chamada Touchstone, coa enxeñeira de software Cynthia Solomon, coñecida por ser unha das codesenvolvedoras de Logo.[1]
Saydean Zeldin retirouse a principios dos anos 2000.
Notas[editar | editar a fonte]
- ↑ 1,0 1,1 1,2 1,3 1,4 1,5 Korey Haynes, Korey Haynes. "Saydean Zeldin: Guiding Apollo’s engines". Astronomy.com (en inglés). Consultado o 2021-04-10.
- ↑ Lorenzo, Nieves; Iglesias, Encina Calvo (2020-04-18). "Ellas nos llevaron a la Luna". Ciencia, Técnica y Mainstreaming Social (en castelán) 0 (4): 61–68. ISSN 2530-7924. doi:10.4995/citecma.2020.12764.
- ↑ "AGC Biography - Margaret Hamilton". authors.library.caltech.edu. Consultado o 2021-04-10.
- ↑ Hamilton, M.; Zeldin, S. (1976-03-XX). "Higher Order Software—A Methodology for Defining Software". IEEE Transactions on Software Engineering SE–2 (1): 9–32. ISSN 0098-5589. doi:10.1109/tse.1976.233798.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- Saydean Zeldin na bibliografía informática dblp.
- Zeldin, Saydean en WorldCat-
